GREEN

知道佢哋 Le Creuset聯手合作推出咗精緻法式三道茶下午茶就即刻過嚟試吓！好鍾意佢哋嘅下午茶有埋頭盤同主菜，就算同男仔食都一定食得飽😋😋前菜嘅香草法式焗田螺食落充滿住蒜香牛油同香草味，超香濃！主菜仲有安格斯牛柳配伴酸菜配法國波爾多紅酒汁、牛油浸盲鰽魚柳配法式海鮮汁同法式油封鴨腿絲配芝士長通粉三揀一添！我就推介安格斯牛柳，肉質嫩滑又多汁，紅酒汁加埋酸菜平衡返個味道👍🏻下午茶層架用嘅都係Le Creuset嘅瓷碟，真係好有儀式感又打卡able📸甜品推介佢嘅雲呢拿千層酥配士多啤梨同法式紅桑子馬卡龍配香檳啫喱😋現場總會有廚師即製法式薄餅配雲呢拿雪糕添，每位加多大約$150 送一人一隻Le Creuset Eternity Lace連蓋陶瓷杯添！