影片
更多
2018-08-15
526 瀏覽
韓國大熱人氣薄餅店終於登陸九龍，仲要係正公司附近點可以唔食，呢間店係韓國已經有超過600間分店，更加係韓國被消費者評為最佳年度品牌。之前剛剛開張既時候去食仲見到好多祝賀既花籃，成個設計都好韓式現代餐廳，門口位仲有啤酒吧位，有韓國既手工啤酒可以飲。成個感覺都好多色彩好鮮艷，有唔少既好色彩風既畫，店面都幾大間同埋坐得幾舒服，仲可以見到即場手整既薄餅。先食一個前菜《蜜糖柚子花園》($88)，個沙律都幾大盤，最緊要係菜要夠新鮮，淋上左柚子汁好開胃再加上蜜糖甜甜地，有核桃同杏仁片香脆又有口感。另一道係《韓風蟹肉塔》($128)，有滿滿既蟹肉，中間夾埋左青瓜、椰菜、牛油果，再撈上左蛋黃醬同埋酸忌廉醬，放埋上去黑米烤薄餅一齊食。最出名既係薄餅一定要試，《香芒海洋》($138)，薄底用上左綠茶麵糰同12種穀物如黑麥、黑米、大麥和燕麥，望落有啲抹茶色而食落唔會好乾身，均匀咁舖左芒果帶子鮮蝦同魷魚，最緊要係好多芝士呀。薯條又係必試既，《蜜糖忌廉炸薯條》($68)薯條真係勁脆勁熱，每條都搽滿左蜜糖甜甜地，點上埋中間附上既忌廉真係肥都要食。店名：Pizza Maru地址：尖沙咀彌敦道132號美麗華廣場一期食四
韓國大熱人氣薄餅店終於登陸九龍，仲要係正公司附近點可以唔食，呢間店係韓國已經有超過600間分店，更加係韓國被消費者評為最佳年度品牌。
之前剛剛開張既時候去食仲見到好多祝賀既花籃，成個設計都好韓式現代餐廳，門口位仲有啤酒吧位，有韓國既手工啤酒可以飲。
成個感覺都好多色彩好鮮艷，有唔少既好色彩風既畫，店面都幾大間同埋坐得幾舒服，仲可以見到即場手整既薄餅。
先食一個前菜《蜜糖柚子花園》($88)，個沙律都幾大盤，最緊要係菜要夠新鮮，淋上左柚子汁好開胃再加上蜜糖甜甜地，有核桃同杏仁片香脆又有口感。
另一道係《韓風蟹肉塔》($128)，有滿滿既蟹肉，中間夾埋左青瓜、椰菜、牛油果，再撈上左蛋黃醬同埋酸忌廉醬，放埋上去黑米烤薄餅一齊食。
最出名既係薄餅一定要試，《香芒海洋》($138)，薄底用上左綠茶麵糰同12種穀物如黑麥、黑米、大麥和燕麥，望落有啲抹茶色而食落唔會好乾身，均匀咁舖左芒果帶子鮮蝦同魷魚，最緊要係好多芝士呀。
薯條又係必試既，《蜜糖忌廉炸薯條》($68)薯條真係勁脆勁熱，每條都搽滿左蜜糖甜甜地，點上埋中間附上既忌廉真係肥都要食。
店名：Pizza Maru
地址：尖沙咀彌敦道132號美麗華廣場一期食四方4樓408號舖
餐牌:
張貼
