影片
更多
2023-10-25
3069 瀏覽
一家人去IFC食馬來西亞菜～呢間餐廳真係好靚，室內裝修好有南洋風格。當日天氣又涼爽又舒服，所以特登坐出面露天戶外位，望住維港食飯。娘惹黑炭小金杯 $88上網都見到呢度菜多人點，咁我哋咁啱有四個人就點一碟試吓。呢道菜可以按自己口味放配料同醬汁，碗內切絲的食落似係沙葛，非常爽口，配埋其他配料同醬汁食落好惹味，好清爽，仲可以砌到似法式擺盤🤣娘惹炒雜菜 $98點咗蒜蓉炒，食落都幾有鑊氣，蔬菜炒得非常爽脆。檳城海鮮鴨蛋炒貴刁 $138呢個炒貴刁都真係幾多海鮮，食到有蝦、元貝、魷魚，全部都大大粒大大隻，海鮮質素都唔差，尤其蝦非常爽口。鴨蛋的元素唔係好食得出，但食到好有鑊氣。馬來串燒沙嗲三拼 $128三拼有雞牛豬呢三種，擺盤好精緻，肉唔乾唔柴，尤其是牛肉串燒的牛味非常濃郁。要讚吓佢個沙嗲醬，一擺入口有d甜甜哋，嚼嚼下就食到辣，味道真係好有層次🥰甘香醬焗鮮蝦 $268呢個蝦竟然係無殼㗎！！😍一上枱時仲心諗要剝殼😐，但原來佢蝦身的殼已經剝咗，只有蝦頭蝦尾有好軟的殼，真係好驚喜！味道好有南洋風味，香口惹味但唔會好辣。蝦肉爽口又彈牙，食得出都幾新鮮。本來仲想叫甜品，可惜想食的個兩款都話無😑唯有下次有機會再試
一家人去IFC食馬來西亞菜～呢間餐廳真係好靚，室內裝修好有南洋風格。當日天氣又涼爽又舒服，所以特登坐出面露天戶外位，望住維港食飯。
娘惹黑炭小金杯 $88
上網都見到呢度菜多人點，咁我哋咁啱有四個人就點一碟試吓。
呢道菜可以按自己口味放配料同醬汁，碗內切絲的食落似係沙葛，非常爽口，配埋其他配料同醬汁食落好惹味，好清爽，仲可以砌到似法式擺盤🤣
娘惹炒雜菜 $98
點咗蒜蓉炒，食落都幾有鑊氣，蔬菜炒得非常爽脆。
檳城海鮮鴨蛋炒貴刁 $138
呢個炒貴刁都真係幾多海鮮，食到有蝦、元貝、魷魚，全部都大大粒大大隻，海鮮質素都唔差，尤其蝦非常爽口。鴨蛋的元素唔係好食得出，但食到好有鑊氣。
馬來串燒沙嗲三拼 $128
三拼有雞牛豬呢三種，擺盤好精緻，肉唔乾唔柴，尤其是牛肉串燒的牛味非常濃郁。要讚吓佢個沙嗲醬，一擺入口有d甜甜哋，嚼嚼下就食到辣，味道真係好有層次🥰
甘香醬焗鮮蝦 $268
呢個蝦竟然係無殼㗎！！😍
一上枱時仲心諗要剝殼😐，但原來佢蝦身的殼已經剝咗，只有蝦頭蝦尾有好軟的殼，真係好驚喜！
味道好有南洋風味，香口惹味但唔會好辣。蝦肉爽口又彈牙，食得出都幾新鮮。
本來仲想叫甜品，可惜想食的個兩款都話無😑唯有下次有機會再試啦。
CaN LaH (中環)
中環金融街8號國際金融中心商場3樓3075號舖
*上述文章只供參考及以當時價格為準
張貼
