Le Salon De Thé de Joël Robuchon (裝修中)

為友人補祝生日，因為友人慕名想試下，去了置地這間分店，結果大失所望。除了價錢偏貴和食物分量偏細外，中間和最低個層嘅甜品味道有點奇怪，尤其最底個層嘅白色cheesecake(即是圖中有三粒紅色圓點係面)竟然有一陣膻味。我地三點去到，要排隊等候帶位，等了10分鐘，選擇坐係餐廳個邊，先發現原來個邊未滿座。雖然坐入邊要俾加一服務費，但茶可以免費加水，所以比坐係商場旁邊嘅走廊位會好些少。唯一可贊係侍應們服務態度不錯，但甜品嘅水準連四星級酒店自助餐都不如，目測主要都係做遊客生意，下次不會再黎。