影片
更多
2017-01-16
4422 瀏覽
終於搵到一間可以再encore的high tea餐廳喇! 真的愛上下午tea一tea, 鬆一鬆～享受一下生活的悠閒!位於九龍站圓方的LE SALON DE THE de Joel Robuchon ～未入餐廳入面都已經彷似聞到一陣法國的味道, 哈～好誇張！餐廳沒有預約服務~如果想光顧就必須在門外位置排隊! 要有客人離開才可以進店, 如果安排了四人的檯二人坐, 用餐過程中亦會尊重客人私隱, 避免安排搭檯受搔擾的情況, 感覺很窩心, 可以與知己好友盡快暢談～但仍在門外等候的客人可能便要辛苦等多會了。餐廳供應下午時茶的時間是3-6時, 可能星期六的圓方亦沒太多人的關係, 所以餐廳等候的時間亦不會太久, 大約等10分鐘的時間便可入座。餐廳燈光比較柔和偏暗, 營造出悠閒的環境感, 座位與座位之間有一定的空間距離, 給予舒適的感覺, 不過侍應有點兒搞笑, 客人落單用廣東話, 但佢會堅持用英文回答, 但重點係佢本身都係講廣東話的 。$528（+10%）一份精選下午茶二人餐, 共有16款茶點, 可揀兩杯咖啡或茗茶。咖啡Moka朵拉花讓人賞心悅目, 味道很香, 咖啡味好濃，而且甜度剛剛好~正! 茗茶則點
真的愛上下午tea一tea, 鬆一鬆～享受一下生活的悠閒!
位於九龍站圓方的LE SALON DE THE de Joel Robuchon ～未入餐廳入面都已經彷似聞到一陣法國的味道, 哈～好誇張！餐廳沒有預約服務~如果想光顧就必須在門外位置排隊! 要有客人離開才可以進店, 如果安排了四人的檯二人坐, 用餐過程中亦會尊重客人私隱, 避免安排搭檯受搔擾的情況, 感覺很窩心, 可以與知己好友盡快暢談～但仍在門外等候的客人可能便要辛苦等多會了。
餐廳供應下午時茶的時間是3-6時, 可能星期六的圓方亦沒太多人的關係, 所以餐廳等候的時間亦不會太久, 大約等10分鐘的時間便可入座。
餐廳燈光比較柔和偏暗, 營造出悠閒的環境感, 座位與座位之間有一定的空間距離, 給予舒適的感覺, 不過侍應有點兒搞笑, 客人落單用廣東話, 但佢會堅持用英文回答, 但重點係佢本身都係講廣東話的 。
$528（+10%）一份精選下午茶二人餐, 共有16款茶點, 可揀兩杯咖啡或茗茶。咖啡Moka朵拉花讓人賞心悅目, 味道很香, 咖啡味好濃，而且甜度剛剛好~正!
茗茶則點了一款玫瑰味的熱茶, 茶唔係一杯杯上, 而係一整壺上, 可斟到三杯的份量, 載茶的生鐵壺都好有特色, 但好重！壺身真的很熱,小心被燙倒, 熱茶係用茶包沖的, 味道略嫌過淡, 玫瑰味淡到幾乎飲唔出...
重點之重當然係最曯目的16款茶點吧!
精選下午茶二人餐
$528
91 瀏覽
1 讚好
0 留言
由最上層的茶點開始介紹一下吧~
分別有兩個原味鬆餅, 兩個提子味鬆餅, 兩個迷你版牛角包。仲附有自家製新鮮士多啤梨果肉果醬及DEVONSHIRE凝脂忌廉。
鬆餅暖暖的, 質感好鬆軟, 配果醬或忌廉一齊食, 更有意想不到的美味點綴~士多啤梨肉蓉不會太甜, 還保留著淡淡的果香, 食得到的新鮮滋味! 忌廉則好柔滑, 沒有一點的油膩感! 迷你牛角包超超超好味! 可惜一口一個便沒有了, 味道相當深刻相當回味。
中層有法式茄子蓉配時令蔬菜~用料簡單但又很特別, 茄子蓉可算第一次食喔~味道有點似吞拿魚醬, 當然係沒有腥味的啦~時令蔬菜好新鮮, 好清新。煙燻三文魚卷配羊奶芝士及苦白菜~ 苦白菜? 個款好似一塊超迷你版大白菜, 但食不到苦味! 可能連同新鮮三文魚、羊奶芝士一齊食的關係吧～連羊奶的芝士都不覺有騷味喔!
蟹肉及牛油果伴檸檬果凍~最深刻味道的一款茶點! 味道真係好鬼特別, 味道帶小酸, 好開胃! 牛油果製成蓉, 當中仲有一粒粒類似紅薑片的物體, 帶有輕微的辣感, 整個感覺就好似食緊泰式甜品一樣! 酸酸又辣辣，味道上真係一流! 超好味!
法式鴨肝配無花果及榛子~將新鮮的無花果切成粒, 配一粒香脆榛子, 放在一片圓形柔滑的鴨肝上, 一同食用會產生多重口感, 因為單一食用鴨肝可以會有膩感, 配榛子脆感係好夾的配搭!
蕃茄漢堡配辣肉腸及水牛芝士~超級迷你的漢堡包! 真係好可愛~蕃茄壓扁放到包中, 觀感就好似一塊好薄的牛肉! 但實際味道仍然係蕃茄, 水牛芝士好棉好滑, 可以做到拉絲的效果! 又係好好味之列!
跟住到最低層的甜點類~柑橘果凍芝士慕絲~芝士味不會太濃, 淡淡的反而更清新, 更易入口!
玫瑰忌廉紅莓杏仁小圓餅~玫瑰味的小圓餅, 即係法式的馬卡龍, 玫瑰味好濃郁, 浪漫的情感直湧心頭! 甜度小甜, 仲有粒脆脆的朱古力配帶小酸的紅莓! 賣相及味道上都好夾!
果仁及提子白朱古力~零食配搭的效果!沒太大特別, 但味道還不錯。
楓樹糖漿馬德蓮小蛋糕及法式榛子朱古力杯~這兩個甜點味道反而有一點普通, 沒有大驚喜! 但食得出小蛋糕糖漿味好重, 屬真材實料! 朱古力杯係將朱古力製成CREAM狀, 配香口的榛子一同食用, 增強多元化質感。
栗子海棉蛋糕~蛋糕質感做到好輕盈, 如食風一樣, 因為入口即溶, 味道係好味的。
法式朱古力費南雪小蛋糕配開心果忌廉~忌廉係綠色的, 好特別! 朱古力加上藍莓...顏色好配襯, 亦好吸晴! 味道上當時亦屬上品啦~~
好完美的一餐下午茶！絕對係視覺與味覺上的享受！
張貼
