泉章居 (已結業)

老細請食飯，問食咩好，一班八九十後同事話放題或打邊爐，上咗年紀嘅我，腦海中閃出「泉章居」三個字 ，加上不自覺衝口而出，老細一位聲唔出自已走咗出去訂位，今次出事啦！睇一睇各社交綱上嘅食評都喺麻麻地，又話員工無禮貌、梅菜扣肉似罐頭、D嘢無以前咁好食、訂咗位都要等。當晚食咗咩：鹽焗雞、金銀蛋菠菜、炸大腸、咕嚕肉、龍躉兩食、酥炸魷魚和糯米飯（甜品唔記得叫咩）。最後老細和同事都覺得不過不失，喺呀！無叫梅菜扣肉，因為大家都唔想搏，驚失望，其實我對上一次食泉章居佢仲喺波斯富街舊舖，我自己就覺得都唔係網上講咁差，可能個日樓面同廚房都係狀態中，不過隻雞仲係咁正。