影片
更多
2023-09-24
71 瀏覽
簡約希臘風cafe～食物質素有驚喜 今日嚟到大埔超級城，見到呢間純白希臘風嘅Cafe覺得好靚，一於入去試吓。餐廳入邊環境係簡約風格，俾人放鬆同舒服嘅感覺，同埋有窗可以望到出邊，光線充足，打卡影相都唔錯～睇好食咩之後，出去點餐就可以，之後坐返喺位等送餐就得la，唔使等好耐就有嘢食啦～ 慢煮法式油封鴨髀 配牛角酥窩夫 （＄128 ）呢個煮法嘅鴨髀都係第一次試，試完覺得非常唔錯！鴨肉好鬆軟，有肉汁唔會太乾，外面仲脆脆地添，唔會覺得油膩又有口感，加埋佢配嘅酸椰菜就更豐富！另外佢嘅牛角酥窩夫真係好好食，外脆內軟，淡淡嘅牛油香，同埋少少嘅鹹味，配上鴨肉食就更加香～唔覺唔覺就食晒啦～ 三文魚班尼迪蛋 牛角酥窩夫 （＄）第一眼見到佢嘅時候，真心覺得驚喜～因為無論賣相定係份量都係豪華級！一大啖三文魚，配上香濃嘅蛋漿同鬆軟嘅窩夫，加埋酸酸嘅醬汁，簡直係perfect match！食完之後無論胃口同心靈都大滿足～下次一定要encore ！ 甜品 （＄68 )呢款布甸配搭嘅蜂巢，呢個「蜂巢」原來唔係指個甜品係蜂巢形狀，而係真·蜂巢，忍唔住試一試～係食完豪華嘅main dish之後，黎返個比較細份嘅甜品就啱啱好
今日嚟到大埔超級城，見到呢間純白希臘風嘅Cafe覺得好靚，一於入去試吓。
餐廳入邊環境係簡約風格，俾人放鬆同舒服嘅感覺，同埋有窗可以望到出邊，光線充足，打卡影相都唔錯～睇好食咩之後，出去點餐就可以，之後坐返喺位等送餐就得la，唔使等好耐就有嘢食啦～
慢煮法式油封鴨髀 配牛角酥窩夫 （＄128 ）
呢個煮法嘅鴨髀都係第一次試，試完覺得非常唔錯！鴨肉好鬆軟，有肉汁唔會太乾，外面仲脆脆地添，唔會覺得油膩又有口感，加埋佢配嘅酸椰菜就更豐富！另外佢嘅牛角酥窩夫真係好好食，外脆內軟，淡淡嘅牛油香，同埋少少嘅鹹味，配上鴨肉食就更加香～唔覺唔覺就食晒啦～
三文魚班尼迪蛋 牛角酥窩夫 （＄）
第一眼見到佢嘅時候，真心覺得驚喜～因為無論賣相定係份量都係豪華級！一大啖三文魚，配上香濃嘅蛋漿同鬆軟嘅窩夫，加埋酸酸嘅醬汁，簡直係perfect match！食完之後無論胃口同心靈都大滿足
～下次一定要encore ！
甜品 （＄68 )
呢款布甸配搭嘅蜂巢，呢個「蜂巢」原來唔係指個甜品係蜂巢形狀，而係真·蜂巢，忍唔住試一試～係食完豪華嘅main dish之後，黎返個比較細份嘅甜品就啱啱好！
個布甸真係唔錯，食落去牛奶味好濃郁，食落去口感比較creamy，有少少似mousee嘅感覺，但又唔會覺得好漏～好奇蜂巢係咩味，發現食落好似咬緊香口膠咁，幾得意！
Iced Latte （＄42）
食得牛角酥窩夫，點都要配番杯latte先更滋味～飲第一啖已經覺得唔錯～食完一啖牛角酥窩夫，再飲一啖latte，正！
Lemonade & Tonic （＄40）
飲一啖即刻精神返！一唔小心可能會成杯飲晒～爽！飲落去係淡淡好fresh嘅檸檬味～唔錯
張貼
