Cube O - Journey with Seajellies

營業中

休息中

如果你女朋友中意大自然同特色嘢，就一定要帶佢嚟荃灣新開嘅水母館🐙可以經楊屋道行到cocoduck斜對面、或者citywalk天橋過去。一上到八樓氣氛即刻唔同哂，有啲似池袋sunshine city水族館，為咗水母能夠有個舒適生活空間，可以明顯感受到溫度比外間低，環境亦較陰暗寧靜。餐廳只做晚市，每張餐桌都安排喺一個小型水族箱旁邊，可以近距離觀賞到不同品種嘅水母。我地揀咗二人套餐，包兩個頭盤、兩份餐湯、一份二人份量主菜、餐飲及是日甜品，為咗配合返水族館主題，點選嘅都係海鮮類菜式。海龍王沙律＞蟹肉、魚愛啫哩、西蘭花凍湯 凍湯介乎水與醬之間，質感較綿滑，充滿西蘭花嘅蔬菜味；按店員教嘅方式將魚湯啫喱、蟹肉拌勻食，一啖食到多層口感，清淡但又能激起唾液分泌。浩海三重奏> 煙三文魚、酥炸魚皮、黑魚子醬、 酸忌廉炸魚皮上盛載煙三文魚同鱈魚子，煙三文魚正常發揮，魚皮受潮後略失脆感，感覺以platter分開擺會好啲。龍蝦奶昔> 龍蝦湯、馬斯卡邦尼芝士忌廉龍蝦湯海鮮味濃，賣相精緻，初看以為係咖啡或甜品；隨碟配上一條mozzarella夾心嘅手指小麥包，外脆內軟，比鬆軟餐包更適合搭配濃稠嘅湯汁。