影片
更多
2024-09-06
253 瀏覽
黃昏，early dinner。揀返嚟牛頭角海濱匯呢邊嘅”Flames”，除咗知道佢嘅牛扒，其實唔差得過佢嘅意粉之外，仲知道佢星期一至日都有hh，咁我就可以砌到牛扒紅酒嘅組合😎。另外我都好鍾意喺度叫啲cocktail/mocktail同啲小食沙律咁。對住日落嘅光線，零舍chill。Malbec (by glass) $78 hh $39 - 好多人唔明點解我成日叫Malbec。其實除咗佢嘅甜美感，食牛扒我多數係考慮Malbec、Napa或Bordeaux。另一個原因係，低價Malbec都時有好表現，對wine making要求較低。Tropical Punch $68 - 相當靚嘅mocktail。用上菠蘿、哈密瓜、黑茶等材料，做出嚟嘅效果甜酸兼備，相當怡人舒服。不過用得”tropical”一字，甜度始終係佢嘅重心，香味偏向菠蘿為主。10安士肉眼扒配忌廉薯蓉 $268 - 10安士其實稍為超過一般一人份主菜，所以我哋會share食。好似頭先咁講，呢度嘅煎牛扒係有相當水平，我係唔需要擔心，例如我今次好麻煩咁要求40%成熟度，佢亦都做得好好。另外，我會稍為傾向落鹽多個用佢隻醬汁。巴馬火腿配
揀返嚟牛頭角海濱匯呢邊嘅”Flames”，除咗知道佢嘅牛扒，其實唔差得過佢嘅意粉之外，仲知道佢星期一至日都有hh，咁我就可以砌到牛扒紅酒嘅組合😎。另外我都好鍾意喺度叫啲cocktail/mocktail同啲小食沙律咁。對住日落嘅光線，零舍chill。
Malbec (by glass) $78 hh $39 - 好多人唔明點解我成日叫Malbec。其實除咗佢嘅甜美感，食牛扒我多數係考慮Malbec、Napa或Bordeaux。另一個原因係，低價Malbec都時有好表現，對wine making要求較低。
Tropical Punch $68 - 相當靚嘅mocktail。用上菠蘿、哈密瓜、黑茶等材料，做出嚟嘅效果甜酸兼備，相當怡人舒服。不過用得”tropical”一字，甜度始終係佢嘅重心，香味偏向菠蘿為主。
10安士肉眼扒配忌廉薯蓉 $268 - 10安士其實稍為超過一般一人份主菜，所以我哋會share食。好似頭先咁講，呢度嘅煎牛扒係有相當水平，我係唔需要擔心，例如我今次好麻煩咁要求40%成熟度，佢亦都做得好好。另外，我會稍為傾向落鹽多個用佢隻醬汁。
巴馬火腿配烤菠蘿哈密瓜 $118 - 菠蘿呢？原來係收埋咗沙律下面。菠蘿係明顯效果同烹調過，遇上同樣調味過嘅火箭菜沙律，味道一啲都唔”青”，加上哈密瓜同火腿，更為豐富。我會傾向當佢係一個正統小食多過一個沙律。
張貼
