影片
更多
2024-08-28
1114 瀏覽
作為Pici 長期食客， 每次想食有儀式感嘅西餐、手工意粉 ，就會諗起Pici。間唔中有試吓佢嘅新品，但仍然覺得例牌菜比較我口味。 今次二人行，選擇咗Tasting Menu， 包括三個小食，兩個意粉，兩個甜品， 用匯豐信用卡買單仲送兩杯飲品(Cooler/Prosecco)🥤Tuna Tartare ✨吞拿魚一點腥味都冇， 配上牛油果，洋蔥，檸檬汁，感覺非常清新！ 唔好俾佢嘅份量呃咗，其實吞拿魚和牛油果都幾有飽腹感，十分推介呢個餐前小食！Fried Calamari✨過往喺其他分店都有叫炸魷魚，今次沙田分店認真失色，炸得太乾太硬了。Homemade Meatballs三大粒嘅肉丸，配上芝士好惹味， 肉味濃郁，只嫌肉丸切開後有啲鬆散。Orecchiette ’Nduja✨貓耳朵食起上嚟有咬口。sauce有少少微辣，唔食辣嘅都絕對handle到。saucy 得嚟唔油膩，事關有火箭菜、蕃茄仔伴碟，感覺唔Heavy。個人認為豬肉碎多番少少就Perfect。Pappardelle Beef Cheek✨兩碟意粉同時間到，但係呢碟明顯係冇咁熱。手工意粉口感軟硬度適中，牛面頰肉質柔嫩，只可惜味道有
今次二人行，選擇咗Tasting Menu， 包括三個小食，兩個意粉，兩個甜品， 用匯豐信用卡買單仲送兩杯飲品(Cooler/Prosecco)🥤
Tuna Tartare ✨
吞拿魚一點腥味都冇， 配上牛油果，洋蔥，檸檬汁，感覺非常清新！ 唔好俾佢嘅份量呃咗，其實吞拿魚和牛油果都幾有飽腹感，十分推介呢個餐前小食！
Fried Calamari✨
過往喺其他分店都有叫炸魷魚，今次沙田分店認真失色，炸得太乾太硬了。
Homemade Meatballs
三大粒嘅肉丸，配上芝士好惹味， 肉味濃郁，只嫌肉丸切開後有啲鬆散。
Orecchiette ’Nduja✨
貓耳朵食起上嚟有咬口。sauce有少少微辣，唔食辣嘅都絕對handle到。saucy 得嚟唔油膩，事關有火箭菜、蕃茄仔伴碟，感覺唔Heavy。個人認為豬肉碎多番少少就Perfect。
Pappardelle Beef Cheek✨
兩碟意粉同時間到，但係呢碟明顯係冇咁熱。手工意粉口感軟硬度適中，牛面頰肉質柔嫩，只可惜味道有點淡。
Tiramisu ✨
前菜加主食已經好飽，再食一大杯嘅Tiramisu 真係飽上加飽。Tiramisu 味道唔算太甜，抵讚。但係cream太多，如果可以多幾層layer中和下會更加好。
Prosecco✨
入口比較酸，個人比較喜歡飲甜甜的。
La Pesca✨
幾粒raspberry 作陪襯，食咗一粒覺得太酸，直接放棄另外幾粒。 至於飲品味道比較淡如水，不如飲可樂仲好🌚
整體用餐感覺唔錯，食物質素算中上，價錢合理，推薦！
張貼
