焱丸水產 (已結業)

好早之前朋友帶過我去一間食日本嘢嘅鋪頭，一直念念不忘！今日終於都有機會再去食一次！我講嘅鋪頭，就係位於銅鑼灣一蘭拉麵附近嘅「焱丸水產」。裝修風格充滿日本風嘅焱丸水產，無論假日定平日都係座無虛席，氣氛和諧熱鬧！佢同出邊嘅日本料理店有少少分別，除咗有日本產地嘅壽司、刺身、和食料理之外，每張枱設有一個爐仔畀師傅即席現燒海產！夠晒新鮮！天氣炎熱，一坐低就同友人先叫杯冰凍烏龍茶降降溫。今日應該係肥妹鬼上身，嗌咗超級多嘢食，希望食得晒啦！等咗大概5分鐘，三文魚牛油果油酢漬就到啦！將番茄仔、沙律菜、牛油果、海帶連同三文魚蓉一齊食用，味道清新開胃，食慾即時大增！之後店員就為我地即席揮毫磯燒烏賊，香氣迫人，配合醬油調味，真係急不及待好想快啲放入口😂！店員仲好細心切開一嚿嚿方便我哋食用添！之後就係一大盆超新鮮嘅刺身！鯛魚片同左口魚絕對係驚喜！油甘魚亦都令我哋「愛不惜口」！好好食呀！除咗刺身之外，我哋仲嗌咗個三文魚中卷，卷入面有玉子、牛油果同蟹柳。三文魚上有少少魚子同沙律醬，口感豐富！頭先燒完烏賊，依家就燒白蛤！望住肉質肥美嘅白蛤慢慢揭開，真係好治癒！之後就係蘆筍煙肉牛油燒。蘆筍食落帶有牛油香氣，連同鹹香煙