上村牧場 (已結業)

凍冰冰最啱就係食燒肉，今日去咗銅鑼灣時代廣場一間燒肉店食薩摩牛。環境－以木製餐桌作主調，感覺溫馨。多為卡位，坐得寬敞舒服，唔會太迫。店舖主打自慢和牛「薩摩牛」，出自育牛職人之手A4鹿兒島黑毛和牛，這是經過嚴格規定和標準，所以品質有保證。有多款盛合套餐可供選擇，價錢合理。除此以外還有前菜、沙律、蔬菜類、海鮮、其他肉類、多款壽司、飯、湯麵、甜品和飲品應有盡有。另外，再配上薩摩牛專用自製醃醬，包括芝麻蘋果蓉蔥花，蒜蓉等等，可以令肉汁口感和味道更加豐富。叫咗一個上村牧場自慢燒肉10種盛合，足2至3人份量。包括有美國和牛牛肋條橫隔膜嫩肩牛上五花肉薩摩牛牛五花薩摩牛里肌肉薩摩牛涮涮燒牛柳粒薩摩牛 腰脊芯鑽石紋牛小排一次過可以品嚐到十款唔同牛部位，雖然我唔係食牛的專家，但係都感受到乜嘢叫做高質牛，各有特色。薩摩牛真係唔同啲，有雪花，油脂豐富但又唔會覺得好油膩，但係又不失入口即溶的軟綿口感。另外散叫豬五花和雞髀肉豬五花燒耐咗少少，都唔會覺得硬，油脂充足，入口即溶。雞好滑身，質地鮮嫩，不錯。