樂天大喜屋 (已結業)

今日嚟旺角創興廣場食放題，食飯時間好多人，好彩有book位，入座安排好順暢，上菜速度都好快，我都未點完餐已經有野食，就算未有嘢食都可以出去自助區拎住先😁壽司：有好多款式，除咗普通壽司，仲有創作壽司同炙燒壽司，一口一件，Size啱啱好。🍤香芒吉列蝦卷炸蝦香脆😋，配上香芒好fresh；三文魚腩壽司炙燒後三文魚魚油香更重，好肥美；椒鹽炙燒比目魚壽司，加咗椒鹽同炙燒嘅比目魚好惹味；深海池魚王壽司：晶瑩剔透，入口鮮味😋刺身：好新鮮，好多款，厚身鮮味，數量同order一致，冇多冇少亦冇漏單；北海道鮮帶子刺身：好厚身，入口鮮甜，不過有少少乾身；北寄貝同赤背刺身爽口鮮甜；甜蝦刺身好大隻，肉質新鮮鮮甜；希靈魚顏色鮮艷，爽口鮮味；蠑螺爽口鮮甜，食落有回甘👍🏻本身以為自助區冇咩好食，點知尋到幾樣寶物，桂圓紅棗杞子雪耳糖水：雪耳又爽又滑，加埋桂圓紅棗杞子好滋補😍；泰式酸辣無骨鳳爪爽口入味，酸酸辣辣十分開胃；自家製冷泡茶都不錯，有好多款茶🍵燒物都好出色，蒲燒鰻魚厚身冇咩骨，肉質鮮嫩，配埋蒲燒汁好惹味；🍍燒溫室甜菠蘿酸酸甜甜好開胃，外面燒到好香，咬落去會爆汁🤩；鹽燒鯖魚外皮香脆，肉質結實，配埋檸檬汁最夾；鹽燒雞翼