喺度做乜

營業中

休息中

之前經過山林道時，留意到呢間店名頗為有趣既「喺度做乜」，店內燈火通明、乾淨整潔的裝潢，令我留下了印象。今天約左朋友，提議過黎「喺度做乜，喺度食嘢」，我地揀左個二人套餐，呢個套餐的份量實在是非常豐富。是日餐湯係西式既蕃茄薯仔湯，將蕃茄薯仔煮成蓉，成為１個濃湯，湯頭香濃醇厚，充分調和了蕃茄的酸甜和薯仔的香滑質地，配搭香氣扑鼻既蒜香法包，正。頭盤我哋揀咗黃金吉列炸蠔（4件），雖然蠔的尺寸不大，但入口酥脆，鮮味十足。主食揀了蟹肉露筍鮮蝦松露忌廉意大利粉，意大利粉軟硬適中，完全吸收哂蟹肉鮮甜同松露既香味。主菜是一份頂級安格斯肉眼牛扒，肉質鮮嫩多汁，無需過多調味，反而突出了牛肉本身的風味，薯蓉方面選用蕃薯，無論顏色及味道，都滿有新鮮感。甜品是意大利芝士餅和蘋果餡餅，蘋果餡餅餡料豐富，食到片片蘋果果肉，芝士餅唔會過甜膩，２款有著不同口感，不同味道，２款都很好味。