FooDo

營業中

休息中

同朋友去旺角女人街行街，之後就去咗呢間充滿聖誕裝飾佈置嘅西餐小店。我哋叫咗一個意粉一個薄餅，仲有跟每一份主食送嘅水果茶，再加咗小食，一碗湯兩個人share。a7忌廉汁日本魷魚、菠菜葉配手作意大利意粉 $126 少少🤏辣 🍝意粉有鹹蛋芝士味，感覺似係手工意粉，質料都幾彈牙嘅。芝士汁加菠菜同埋魷魚🦑，口感有種歐陸海鮮，再加田園嘅風味，魷魚爽滑，成個意粉味道都幾特別！🤤c4 波菜葉、車打芝士、日本太陽蛋手作薄餅 $104薄餅係麵包底，大大塊菠菜，食落去有一層軟林林嘅車打芝士，太陽蛋就可以用蛋汁淋上面，味道鹹鹹地幾好食。😊烤焗芝士雞塊 $48 🧀🍗啱啱焗好，雞肉入邊夾咗芝士，味道香濃。+$13加配 薯仔洋蔥青瓜甘荀沙律細份，但係入邊有洋蔥、青瓜、甘筍、三種蔬菜嘅口感同埋味道，搭配薯蓉感覺清新。跟餐送嘅水果茶，有啲淡淡的水果味，但係唔會太甜嘅，所以幾好飲。$18 蘑菇湯，湯入邊好多蘑菇碎，淡淡都係蘑菇忌廉湯味道。佢啲座位設計適合三五知己一齊食。