淥鼎記

營業中

休息中

前菜都有六款選擇都可以任食。台式鹽酥雞真係令我食不停，香脆入味，好惹味。飲品都有好多選擇，但一定要飲自家製清熱涼茶，今次有竹蔗茅根，唔會太甜又足料，而且獨立包裝感覺衛生。老壇酸菜魚，滑嫩魚已肉起骨切片，吸收湯汁精華後味道香濃酸辣，配料仲有寬粉、蓮藕、萵筍等，份量好大，兩個人幾乎食唔晒，仲要留肚打邊爐。食完之後再揀湯底打邊爐，湯底揀左花膠鮮雞美人鍋，濃味好飲又可以養生。海鮮拼盤有鮮蝦同蜆，另外仲有多達40款火鍋配料任食，推介手工蝦滑、墨魚滑，超級彈牙。最後仲有甜品北海道牛乳布丁，香滑奶味重。今次係第二次黎食，之前食過覺得CP值真係好高，飽到要捧住個肚走，同埋鍾意呢度地方大，樓底高，座位闊落坐得舒服，又有卡位。