阿爺八鮮鍋 (已結業)

今晚天氣突然轉涼去打個邊爐就最好不過，係旺角搵左依間「阿爺八鮮鍋」，因為上次經過樓下見到個menu已經覺得好吸引好抵食咁。平時心大心細中意食雞煲，又中意打邊爐既朋友仔一定唔可以錯過。食野之前已經有足料燉湯飲，餐廳好貼心，會放個鐵壺裝住啲湯放係個細火上面，所以大家可以慢慢飲，今日個湯係花膠豬展湯，個湯非常足料，湯味夠濃之餘仲有勁多花膠，重點係飲完唔會口渴。飲完個湯就到第一個重頭戲 - 「惹味花膠年糕雞煲」：個雞煲好惹味，啲雞又唔會鞋，唔會斬到好多碎骨。雞煲叫咗小辣，辣度啱啱好，唔夠仲可以再加添。而啲配菜都係重點，芫荽、洋蔥同埋啲年糕都好好食。啲年糕煎到燶燶地都好好食，好香口。食完雞煲就開始打邊爐，侍應哥哥話個湯底每兩個星期會轉一次，而今個星期就係「胡椒豬肚湯」同埋「番茄芝士湯」。今日凍凍地所以我哋就揀咗「胡椒豬肚湯」，打邊爐之前記住一定要飲咗幾啖先，胡椒味唔會過辣又可以暖下個胃😋首先就係食左個餐每枱都會既海鮮拼盤，拼盤有鮑魚、龍蝦、仲有扇貝。啲海鮮都好新鮮，龍蝦食落啖啖肉，隻鮑魚仲就郁添。打邊爐配料方面，自己就當然最中意海鮮都可以任點，係連鮑魚都有得任點，另外，「手打蟹籽蝦滑」都係私心推