影片
更多
2023-03-07
1195 瀏覽
今晚幾個朋友約埋去食雞煲火鍋，雖然我都經常去大埔，但係都唔知原來喺大埔舊墟近太和一條靜靜地嘅街，有一間任食雞煲火鍋小店。我哋係平日夜晚過嚟，小店竟然已經爆滿，連門外都已經開咗幾張枱。門外位置都闊落，街又靜，所以感覺都幾自在，我哋就決定坐外面。煲底嘅選擇超級多，麻辣，蔥香，沙嗲，藥膳醉口味嘅雞煲都有，除咗雞煲，仲有海鮮，魚，牛，羊都有，真係梗有一款啱你口味。我哋就揀咗沙嗲雞煲。喺雞煲嚟之前，就點咗兩款涼拌小菜 - 海蜇絲同黃金皮蛋。少少麻辣，係適合大部份人嘅程度，隻金皮蛋都幾靚。沙嗲雞煲好香好濃，特登點咗啲索汁嘅火鍋料，包括生根，枝竹，豆卜等等，吸收咗滿滿嘅香濃沙嗲汁，啱晒我呢啲比較重口味嘅人。火鍋料選擇都好多，其中比較印象深刻嘅係滑牛肉，牛柏葉，牛丸同芝心獅子狗，款款都好新鮮。另外飲品都係自助任飲，小店黎講款式都算多，罐裝汽水，紙包飲品，樽裝涼茶都有，仲可以加$15飲埋啤酒🍻任飲任食火鍋雞煲，以$188呢個價錢嚟講（仲要免加一）， CP值極高，以後朋友聚會又多個好選擇！
我哋係平日夜晚過嚟，小店竟然已經爆滿，連門外都已經開咗幾張枱。門外位置都闊落，街又靜，所以感覺都幾自在，我哋就決定坐外面。
煲底嘅選擇超級多，麻辣，蔥香，沙嗲，藥膳醉口味嘅雞煲都有，除咗雞煲，仲有海鮮，魚，牛，羊都有，真係梗有一款啱你口味。
我哋就揀咗沙嗲雞煲。喺雞煲嚟之前，就點咗兩款涼拌小菜 - 海蜇絲同黃金皮蛋。少少麻辣，係適合大部份人嘅程度，隻金皮蛋都幾靚。
沙嗲雞煲好香好濃，特登點咗啲索汁嘅火鍋料，包括生根，枝竹，豆卜等等，吸收咗滿滿嘅香濃沙嗲汁，啱晒我呢啲比較重口味嘅人。
火鍋料選擇都好多，其中比較印象深刻嘅係滑牛肉，牛柏葉，牛丸同芝心獅子狗，款款都好新鮮。
另外飲品都係自助任飲，小店黎講款式都算多，罐裝汽水，紙包飲品，樽裝涼茶都有，仲可以加$15飲埋啤酒🍻
任飲任食火鍋雞煲，以$188呢個價錢嚟講（仲要免加一）， CP值極高，以後朋友聚會又多個好選擇！
張貼
