小野人

Item: 小野人
Rating: 5
Author: SophiaLeung4768

KOKA

4.5

542 食評

味道

環境

服務

衛生

抵食

18304

將軍澳

$101-200

川菜 (四川) 燒烤串燒

複製到剪貼簿

467

SophiaLeung4768

等級4

217

一直都想過嚟將軍澳海邊附近商場嘅食肆Chill下😚今日收工就約左朋友嚟呢邊食野，天氣涼涼地，就想食下串燒🍢見到附近有間店舖門面好乾淨舒適，內裡燈光又好柔和溫馨，就決定一試KOKA串燒店🤤
。
🌟串燒系列
叫左烤雞脆骨、金針菇牛五花卷、烤雞腎、烤牛舌、烤雞肉各一🤣款款都$28，好抵食！當中最愛烤雞脆骨🥹口感就同雞軟骨差唔多，但相對而言就更脆口，好好咬；另外，雞腎亦好好食！相對其他串燒店，呢款雞腎會切得比較細粒，更易入口，更好咬😋，唔會比人好韌好難咬嘅感覺！仲有牛舌，香料醃得好入味，薄薄一塊，真係食完想再食🤤！而金針菇牛五花卷嘅牛五花好薄好嫩，連金針菇食就相對食時更好咬，肉質唔會好硬好韌，贊！🥹烤雞肉嘅醃料都好出色好入味，但就相對辣少少🫣！鍾意食辣嘅朋友就啱晒啦！
。
🌟蒜蓉烤茄子 $48
呢款蒜蓉汁蒜蓉好足料，配上秘製醬汁，令茄子好入味🥹！啖啖都係滿滿嘅蒜蓉🤩！正！
。
🌟烤娃娃菜 $18 🌟烤韭菜 $18
叫多咗兩款烤菜食😋兩款菜嘅味道都好香腌料好足😋韭菜烤得岩岩好，唔會咬到牙軟都未食得曬🤣
。
🌟芝士烤生蠔$38 🌟蒜蓉烤生蠔 $38
兩款生蠔都試左😋兩款生蠔都大大隻，多肉飽滿，有驚喜！個人鐘意芝士烤多啲🥹芝士夠多，但配埋生蠔食又唔會太膩👍🏻
。
🌟烤新鮮臭豆腐 $26
身為豆腐愛好者，當然唔會錯過呢到嘅臭豆腐🥹臭豆腐配上香料，未食已經好大陣香味，再慢慢烤，烤到豆腐乾身再食，都好香口好食😋
。
🌟奶油烤小饅頭 $26
呢款饅頭好驚喜🥹雖然叫小饅頭，但一啲都唔細舊🤣都算大舊，配埋煉奶+芝麻，口感更滿足🤩！
。
🌟Q彈大魷魚 $45
魷魚嚟講呢款唔算多汁，但係可能餐廳有事前用腌料醃定，所以魷魚食落啖啖都好入味🤩而且魷魚口感真係好Q彈！🤣
。
🌟黑松露芝士撈丁 $58
見到串燒店竟然有芝士撈丁食，即是決定試試🥹點知完全無令我失望，黑松露同芝士都夠曬多🤩！撈埋一齊唔止有拉絲，仲啖啖都食到黑松露加芝士😜！雖然好邪惡，但真係好好食🥹！
。
🌟草莓乳酪奶昔$42 🌟雜莓乳酪奶昔 $42
兩款奶昔都好好飲🥹我叫左小甜，飲落真係無平時嘅奶昔甜味咁重，真係岩曬唔係好鐘意飲甜水嘅我🤣正！
。
總括而言，呢間串燒店食物款式多，仲要近海邊，食完又可以去附近行下海邊散步消消濟！另外仲要一讚餐廳員工嘅服務態度🥹真係好有禮貌，收碟上菜都好快手！😚👍🏻絕對值得再回頭！