The Pearl

雖然位於尖沙咀，但個位置在酒店的4樓，應該唔多人知道，朋友介紹先知，呢個質素，咁的價錢，好值得一試喎！👍🏻頭盤🍅吞拿魚拌蕃茄莎莎配鱈雪脆片（$68）：一set4塊，原本以為都係普通的吞拿魚莎莎，但個味道比起平時更加清新，個調味做得好好，加左黑醋汁，另個味道更加酸酸甜甜，好開胃，吞拿魚的份量好恰當，唔會話太青或者太多肉，做前菜真係好合適。🦐蒜片大蝦配多士（$88）：個蝦肉燒得好香好彈牙，加左炸蒜，另個味道好有層次，推介放在多士上面，一啖咬落去，你會食到彈牙的蝦加脆卜卜的多士，好有口感。主菜👑鮑魚配野菌意大利飯（$288）：大推！絕對唔係平時食到的野菌意大利飯咁簡單，佢唔會太creamy，而係帶野菌的香同鮑魚的鮮甜，食到我唔願停。🐷西班牙黑毛豬鞍架（$188）：特別欣賞個豬鞍肥瘦比例做得好好，個火候控制得好，另個豬有咬口得來唔會韌，但配汁同配菜都相當唔錯。Mocktail💚First Crush：好清新的口味，甜甜地，主要菠蘿同青瓜的味道。🩷Rosy Romance：蘋果蜜糖的味道，好易入口。