🇻🇳 Bistro Hoi An｜尖沙咀隱世越法fusion盛宴！高質會安風味一試難忘 💛
.
位於「圓方」嘅 Bistro Hoi An✨一間完美融合越南地道風味同法式精緻料理嘅餐廳🌿 從開胃小食到主菜，每道菜都充滿驚喜👉配料講究，擺盤精緻，絕對係視覺同味覺嘅雙重享受🎉
🍤 越式生蝦刺身
虎蝦新鮮彈牙，蘸上柑桔魚露汁，酸甜醒胃！乾蔥碎增添辛辣層次，蝦肉爽口帶微甜，魚露汁平衡得剛好，唔會過鹹，反而帶出柑橘清香，作為開胃菜簡直滿分👍
🐸越式炒田雞腿
田雞腿肉嫩滑多汁，香茅同辣椒嘅香氣撲鼻！焦糖魚露汁帶微微焦香，甜中帶鹹，田雞吸盡醬汁精華，外層微脆，內裏多汁，辣度溫和📌
🥦肉碎炒椰菜花
椰菜花炒得夠鑊氣，蝦乾同豬肉鬆鹹香惹味，九層塔同薄荷葉帶來清新香草氣息，口感爽脆得嚟又帶啲咬口，係一道超有層次嘅素食之選🌱
.
🥪越式雞肉三文治
法包夠鬆軟，香茅燒雞肉嫩滑多汁，鵝肝醬濃郁creamy，酸菜爽脆解膩，香草增添風味，每一啖都係越式同法式嘅完美碰撞😋
🍊越南蜜柚燒烤沙律
蜜柚清甜多汁，配搭脆椰絲同薄荷葉，口感豐富！椰糖魚露汁甜甜酸酸，帶微微炭燒香，開胃又清爽，絕對係夏日必點☀️
🦀特色蛋咖喱炒軟殼蟹
軟殼蟹炸得酥脆，蛋咖喱香濃帶微辣，九層塔香氣突出，蘸法包食超夾！蟹肉鮮甜，咖喱汁creamy得嚟唔膩，令人食唔停口🔥
🦐鵝肝醬炒大蝦
大蝦爽彈鮮甜，胭脂樹籽鵝肝醬汁濃郁帶果香，法包蘸汁食簡直係罪惡嘅享受！鵝肝嘅豐腴同蝦嘅鮮味結合，奢華感爆燈💫
🐷會安烤乳豬
乳豬皮脆肉嫩，自家製酸菜清新解膩，是拉差海鮮醬微辣提味，香草增添層次，口感同味道都無可挑剔🤤
🍗 香茅椰糖烤三黃雞（半隻）
雞皮烤得金黃香脆，肉質嫩滑多汁，香茅同椰糖嘅甜香滲入雞肉，會安三風味汁酸甜微辣，風味獨特，必試👌
🍚招牌蟹肉炒飯
蟹肉鮮甜，臘腸鹹香，椰菜爽脆，辣椒同香草帶嚟微妙辛香，飯粒乾身有鑊氣，每一啖都充滿越南風情🍽️
🍹 招牌特調飲品
HANOI NIGHTS
可可酒嘅醇厚配意大利柑橘苦酒嘅微苦，金桔糖漿帶嚟清新果香，湯力水氣泡感十足，味道複雜又有深度🍸
.
HOI AN CÔNG CHÚA (HOI AN PRINCESS)
荔枝香甜，青檸汁清爽，接骨木花糖漿淡雅芬芳，玫瑰花氣泡茶帶來浪漫氣息，係一杯少女心爆棚嘅特飲💖
.
CA PHE DUA 凍椰子咖啡
冰涼透心！咖啡濃郁帶椰奶香甜，煉奶增添滑順口感，椰香同咖啡完美融合，夏日解渴首選☕❄️
.
CA PHE MUOI 海鹽咖啡
咖啡甘醇，海鹽微微鹹味帶出甜味層次，奶油順滑，鹹甜交織，一杯就有滿滿越南風情🌊
.
💬 總結
Bistro Hoi An 無論環境、服務同食物質素都超水準🌟每道菜都展現出越南料理嘅精髓，加上法式烹調技巧，味道創新又正宗🎉適合同朋友聚餐或約會，絕對係尖沙咀必試餐廳😍
.
📌 溫馨提示：建議預早訂位，晚市好滿座㗎！
.
Bistro Hoi An✨
📍 地址：香港尖沙咀柯士甸道西1號ELEMENTS圓方金區演薈廣場3樓&頂樓R002-003號舖
.
#BistroHoiAn #越南菜 #越法fusion #尖沙咀美食 #美食推薦
