泰象生啤 ($58/2杯): 難得泰象生啤做緊特價，叫返兩杯飲下，相比瓶裝，Draught嘅麥味明顯較香濃，口感亦相對醇厚。
火焰石燒沙嗲串串($128): 牛、雞、豬串燒各兩串，均燒得幾香口有肉汁，並無overcooked，牛串燒特香，牛味相當濃郁，肉質亦夠細嫩。
天天海南雞 ($169/中份): 餐廳以常溫雞件淋上熱香雞油，在不破壞其肉質嘅同時，使雞肉微暖，雞肉極為細嫩，雞油真係非常香口濃郁，完美還原新加坡味道。
雞油飯 ($23/碗): 飯粒顆顆分明，其滿帶雞油香，但飯粒乾爽唔油膩，可謂香而不膩，係必食之選，人多一定要點一整鍋!
黑胡椒羅氏蝦粉絲煲 ($149): 擺盤幾靚，泰國大頭蝦大大隻，蝦頭大，但唔算多膏，蝦肉結實緊緻，夠新鮮，黑胡椒汁幾惹味，連粉絲都好香。
7
2
