影片
更多
2023-12-14
310 瀏覽
啟德新商場✨Airside開幕之後有好多新餐廳進駐，其中呢間嵐月第一次經過嘅時候已經覺得好靚😍魚缸隱藏起一大片綠化🌿☘️🌱牆之下，完全顛覆咗我對中菜館嘅想像。今次趁住「中菜胃」朋友生日，一於book黎「自肥」下先！店內儼如一間高級西餐廳，裝潢時尚，燈光較暗，頗有情調，令我有啲懷疑，呢度真係食中菜嘅？😍📌 北寄貝沙薑漬有粒粒嘅沙薑 ，新鮮沙薑味道清幽，唔會好似沙薑粉味道咁霸道，喧賓奪主。北寄貝鮮嫩彈牙，一直冇諗過沙薑配海鮮會咁夾，配搭幾創新。📌 嵐月西班牙黑豚叉燒有人話：想測試一間中菜館嘅水準，食一塊叉燒就知道。夠膽以餐廳命名嘅嵐月叉燒，想必係信心出品。叉燒以西班牙黑毛豬嘅豬脊肉製成，焦脆燶邊，蜜汁甜度適中，入口豐厚鬆軟，肉味濃郁，難怪成為招牌菜之一❤️📌 桔柚黑鱈魚黑鱈魚肉切成方塊狀，外面裹上一層晶瑩剔透嘅脆皮，夾起嚟有拔絲效果。炸衣夠薄身，外脆內嫩，魚肉細嫩鮮美。📌蘋果木燻泰安雞（半隻）📸打卡時間✨店員喺面前打開蓋，濃厚嘅煙燻香氣，隨住迷霧起空氣中散發。雞肉肉質嫩滑，雞味香濃而且煙熏味能夠充分滲透到每一個部位。📌松茸海膽越光米上枱已聞到陣陣松露香，以日本嘅「菇中之王」白松茸入撰，獨特嘅芳
啟德新商場✨Airside開幕之後有好多新餐廳進駐，其中呢間嵐月第一次經過嘅時候已經覺得好靚😍魚缸隱藏起一大片綠化🌿☘️🌱牆之下，完全顛覆咗我對中菜館嘅想像。今次趁住「中菜胃」朋友生日，一於book黎「自肥」下先！
店內儼如一間高級西餐廳，裝潢時尚，燈光較暗，頗有情調，令我有啲懷疑，呢度真係食中菜嘅？😍
📌 北寄貝沙薑漬
有粒粒嘅沙薑 ，新鮮沙薑味道清幽，唔會好似沙薑粉味道咁霸道，喧賓奪主。北寄貝鮮嫩彈牙，一直冇諗過沙薑配海鮮會咁夾，配搭幾創新。
📌 嵐月西班牙黑豚叉燒
有人話：想測試一間中菜館嘅水準，食一塊叉燒就知道。夠膽以餐廳命名嘅嵐月叉燒，想必係信心出品。叉燒以西班牙黑毛豬嘅豬脊肉製成，焦脆燶邊，蜜汁甜度適中，入口豐厚鬆軟，肉味濃郁，難怪成為招牌菜之一❤️
📌 桔柚黑鱈魚
黑鱈魚肉切成方塊狀，外面裹上一層晶瑩剔透嘅脆皮，夾起嚟有拔絲效果。炸衣夠薄身，外脆內嫩，魚肉細嫩鮮美。
📌蘋果木燻泰安雞（半隻）
📸打卡時間✨店員喺面前打開蓋，濃厚嘅煙燻香氣，隨住迷霧起空氣中散發。雞肉肉質嫩滑，雞味香濃而且煙熏味能夠充分滲透到每一個部位。
📌松茸海膽越光米
上枱已聞到陣陣松露香，以日本嘅「菇中之王」白松茸入撰，獨特嘅芳醇香氣令人一試傾心，加上海膽嘅鮮甜，飯粒有嚼勁、粒粒分明，
📌石獅子黑麻糕（2件）
起OpenRice見到必點嘅打卡甜品，係一隻縮小版嘅石獅子造型🦁超可愛😍採用日本香川縣嘅黑芝麻製成嘅黑麻糕，質地細滑，芝麻味香濃，唔會太甜，為今餐畫上完美嘅句號❤️
張貼
