🍚點心質素中，任點任食，賣相精緻，適合打卡，即叫即蒸，環境寬敞。
👍🏻推薦必叫
[3310銀湖天鵝酥］[br]打卡必叫，天鵝賣相一流，酥皮酥脆內裏係紫薯茸，唔好以為好睇唔好食，其實味道不錯的。
[3307懷舊鵪鶉蛋燒賣］[br]好特別既配答，好少地方有，燒賣真材實料內裹有蝦。
[3101雲南涼拌貓耳朵］[br]涼伴雲耳黎，開胃一流，味道正常不辣。
[3104鎮江水晶餚肉］[br]好味仲要任食，平時一碟都三四十蚊，值得叫。
[3401玫瑰奶皇糕］[br]都係打卡必叫，好靚既粉紅色玫瑰形糕，味道就普通。
👎🏻唔好叫
[3305名館筍尖蝦餃皇］[br]皮太厚，蝦唔新鮮。
[3309香煎臘味蘿蔔糕］[br]無切到既厚身蘿蔔糕，粉太多，料又少。
[3311咖喱蒙古羊肉餅］[br]無咩羊味，無羊肉食，咖喱味重，口質好油。
[3315橋底混醬豬腸粉］[br]普通腸粉，0特別，又大碟，不值得任食時叫。
🌟越早食越好，好多時間熱門點心到1點2點就會買曬。
