美滋鍋 (家樂坊)

營業中

休息中

係香港任食打邊爐我有去過幾間，今次試黎自新加坡，主打養顏湯底同牛肉放題既美滋鍋。一行入門口隻熊仔好吸晴，同埋竟然有個playground俾小朋友玩。呢個位幾貼心，我未曾係其他餐廳見過。放題套餐有A-D，4款俾你揀，可以任食澳洲M6+和牛、美國PRIME牛下肩同美國安格斯牛三角。最平價錢係每位$198起，2個鐘任食超過一百款火鍋配料同野飲無限供應。我地當晚就9:30pm後入座，可以無限時任食任飲到凌晨兩點。湯底方面有8款，我地加左$50升級鴛鴦鍋，膠原蛋白養顏美容鍋 + 特濃沙嗲。膠原蛋白養顏美容鍋個湯底濃郁鮮甜，打邊爐之前要飲返一碗先得😋野食方面牛舌薄身但好爽口，美國PRIME牛下肩胛肉質堅實有口感，沙白唔算好大粒但鮮甜無沙，花膠好彈牙，要食多啲增加骨膠原，金沙魚腐超索汁。其他野食就正常發揮啦。