一碗肉燥

營業中

休息中

見到出左個 $228/3-4 人餐，仲有+$10 有隻炸春雞，就嚟食。個餐前菜叫左拍青瓜微辣、肉燥生菜，主菜叫左鹵水拼盤份量比較細而且滷得未夠時間，三杯雞好惹味料頭豐富，芫荽蚵仔蛋餅冇試，小食叫左手抓餅吾太熱所以變咗有啲硬，炸魷魚鬚細條而且炸得過左位，主糧加錢叫左辣同吾辣嘅刀削麵和新竹米粉，米粉吸左微辣嘅肉燥汁好食，刀削麵就一貫水準，飲品薄荷檸檬特飲、百香果特飲和黑糖珍珠奶茶都吾太夠味。+$10 慢煮炸春雞（原隻）反而吾錯，見到枱枱都有叫。因為麵食和飲品加左錢，埋單$310/5 位。