影片
更多
2024-02-15
132 瀏覽
同另一半慶祝拍拖3週年紀念，喺OpenRice搵到呢間餐廳，book咗佢哋嘅$888套餐，見相同啲食評覺得唔錯，到訪前幾日都有打過去問關於個套餐嘅問題，職員都好有禮貌咁解答我，叫我可以將啲request同佢講同埋寫喺OpenRice booking嗰到。--去到當日體驗咗，唔知係咪因為餐廳啱啱開張冇幾耐喇，其實各方面都有啲嘢可以改善下。-我哋當日晏晝收到餐廳打嚟問我哋對今晚餐飯有冇啲咩特別要求，我哋簡單咁講咗少少之後同佢哋講我哋已經喺OpenRice booking嗰到寫晒，感覺餐廳好重視客人嘅用餐體驗咁。-夜晚去到front desk同職員講book咗7點同姓氏，但係職員成部iPad調轉想我睇返自己係邊個名，入面有晒其他客人嘅名電話電郵，感覺唔係太好咁，始終呢啲都係個人資料同私隱。-之後，職員安排我哋坐門口張枱，其實入面環境好暗，但係門口位好接近出面商場啲光，所以望出去同周邊環境嗰陣對眼有啲辛苦，加上座位側邊個水母缸上面有盞射燈，個缸入面盞燈係紅色，所以睇啲水母都睇得唔係好清楚。問職員可唔可以調枱，答full booking，但由坐底嗰刻去到食完20:45，後面幾張枱仲係吉嘅。-坐底
-
-
去到當日體驗咗，唔知係咪因為餐廳啱啱開張冇幾耐喇，其實各方面都有啲嘢可以改善下。
-
我哋當日晏晝收到餐廳打嚟問我哋對今晚餐飯有冇啲咩特別要求，我哋簡單咁講咗少少之後同佢哋講我哋已經喺OpenRice booking嗰到寫晒，感覺餐廳好重視客人嘅用餐體驗咁。
-
夜晚去到front desk同職員講book咗7點同姓氏，但係職員成部iPad調轉想我睇返自己係邊個名，入面有晒其他客人嘅名電話電郵，感覺唔係太好咁，始終呢啲都係個人資料同私隱。
-
之後，職員安排我哋坐門口張枱，其實入面環境好暗，但係門口位好接近出面商場啲光，所以望出去同周邊環境嗰陣對眼有啲辛苦，加上座位側邊個水母缸上面有盞射燈，個缸入面盞燈係紅色，所以睇啲水母都睇得唔係好清楚。問職員可唔可以調枱，答full booking，但由坐底嗰刻去到食完20:45，後面幾張枱仲係吉嘅。
-
坐底之後職員好快咁攞住壺水同iPad過嚟，我就同佢講返我哋係OpenRice個set，隔咗一陣佢問我哋叫咗1個set定2個set，嗰下內心有少少問號…？答咗佢2個set之後另一個職員行埋嚟問我哋會唔會share嚟食如果唔係就收碟，嗰下同另一半得啖笑😅
-
到頭盤上菜，沙律同個鵪鶉腿都唔錯，鵪鶉腿冇乜味同埋有啲室溫，上菜同收碟速度幾平均。
芝士番茄田園沙律
1 瀏覽
0 讚好
0 留言
迷迭香、檸檬和蜂蜜鵪鶉腿
1 瀏覽
0 讚好
0 留言
-
龍蝦湯好掂好味好濃郁，好多蟹肉，仲有少少海水味，飲得出起碼唔係罐頭湯先，個餐包都幾好食，但個包就油咗啲啲。職員上菜嗰陣仲會倒湯，打卡一流🤘🏻
龍蝦濃湯配蟹肉
1 瀏覽
0 讚好
0 留言
-
主菜係A4和牛同黑松露帶子risotto，擺盤靚，和牛有好濃郁嘅脂肪，入口即溶。Risotto意外地細碟，但意外地好食😋，黑松露味好香，有陣陣忌廉同芝士味，帶子都幾大粒幾鮮甜，亦都煮到啱啱好。
A4日本和牛
1 瀏覽
0 讚好
0 留言
煎北海道扇貝和黑松露燴飯
1 瀏覽
0 讚好
0 留言
-
去到是日甜品，係一個雜莓撻，賣相味道幾好，但啲莓有啲酸。雖然好多謝餐廳肯寫祝福字句，但句嘢寫咗喺隻碟同甜品上面…打卡影相有啲難度，因為要高抄影相嘅關係成日俾嗰支點咗火嘅蠟燭辣到手🥲，之後望到隔離枱個蛋糕句祝福字句寫咗喺下面，莫名地有啲失望😔
是日甜品 - 雜莓撻
3 瀏覽
0 讚好
0 留言
-
整體用餐體驗唔錯，接近完美，環境靚又靜，好適合情侶嚟拍拖談心食飯。
-
其實如果餐廳可以留意埋呢啲小細節嘅話，真係會令到客人嘅用餐體驗有所不同，希望今次嘅意見可以幫到你哋更上一層樓，亦希望你哋長做長有🙌🏻
張貼
