影片
更多
2021-05-14
490 瀏覽
上次行行下街，見到吐司工坊做緊二人餐外賣優惠，好吸引，但無奈我地仲未有個小窩居，所以唸住下次去試下堂食。咁岩今次遇到星期五優惠，招牌星洲叻沙買一送一，即刻去試下。之前🐱就食過另外一間餐廳既叻沙，越食越鹹，睇下今次尼個正唔正～排隊買完之後攞住bibi機就可以搵位～🍜招牌星洲叻沙 $60/2 碗之前經過都留意到佢地周不時都會做買一送一既優惠，而今次尼個優惠都好抵～湯底方面，飲落好棉滑，中等椰香味同蝦味，尚算濃郁，鹹度正常辣度大概譚仔10小辣多少少～湯底夠熱，熱辣辣好暖胃。但後尾將湯攪混，發覺有好多”香料既渣渣”，搞到之後食每啖米線都有好多”渣渣”😂 食耐左之後覺得隻味有d悶，無話想一啖接一啖咁～米線方面，軟硬程度適中，但我地比較鍾意更彈牙既米線，但其實佢浸左一排之後，米線軟度都無變過既～份量正常，唔會太多或太少。米線都好掛湯汁，可能個湯太濃郁，不過d渣渣搞到米線既口感唔係太好。配料方面都豐富同出色，不過一開始只係偏暖，可能要將佢地再浸下湯底會更好味。蝦中等size3隻，比想像中大，口感都爽，食得出有蝦既鮮味，其中有一隻肉質唸d，但其他都幾好。有半隻9成熟既蛋，6片ok彈牙既魚片，海量超索湯
排隊買完之後攞住bibi機就可以搵位～
🍜招牌星洲叻沙 $60/2 碗
之前經過都留意到佢地周不時都會做買一送一既優惠，而今次尼個優惠都好抵～
湯底方面，飲落好棉滑，中等椰香味同蝦味，尚算濃郁，鹹度正常辣度大概譚仔10小辣多少少～湯底夠熱，熱辣辣好暖胃。但後尾將湯攪混，發覺有好多”香料既渣渣”，搞到之後食每啖米線都有好多”渣渣”😂 食耐左之後覺得隻味有d悶，無話想一啖接一啖咁～
米線方面，軟硬程度適中，但我地比較鍾意更彈牙既米線，但其實佢浸左一排之後，米線軟度都無變過既～份量正常，唔會太多或太少。米線都好掛湯汁，可能個湯太濃郁，不過d渣渣搞到米線既口感唔係太好。
配料方面都豐富同出色，不過一開始只係偏暖，可能要將佢地再浸下湯底會更好味。蝦中等size3隻，比想像中大，口感都爽，食得出有蝦既鮮味，其中有一隻肉質唸d，但其他都幾好。有半隻9成熟既蛋，6片ok彈牙既魚片，海量超索湯既豆卜，都有8-10件對半切好同 有尚算爽口既芽菜。
😋😋UMAI：7/10
服務/環境：店員都好細心提醒我地今日做緊優惠，問我地會唔會考慮試下～環境方面，原本都覺得好乾淨企理，店員都清潔得好快手，單唔知係咪我地揀左個近收集碗碟既位置，食到中途就見到隻出世數日既小強🪳，🐏即刻嚇親，連胃口都無🤣結果佢食剩半碗～店內衛生可以再加強下～
🌟整體CP值：8.5/10 優惠價係抵既
如果正常價就：6.5/10
整體黎講，比d渣渣同環境扣左好多分，米線可以再彈牙d，但d配菜都滿意既～如果用正常價，我唸可以試下其他餐廳😋
另外🐱都食過某兩款超級市場有埋既叻沙即煮麵都唔錯，有機會都可以推介下～
張貼
