影片
更多
2023-05-21
5933 瀏覽
[ Non Kitchen ]今日再嚟到呢間觀塘工廈嘅西餐廳，平日午市叫一個主食就可以享用自助沙律吧，任食沙律🥗、任飲餐湯🥣，另外再配一杯飲品☕️。主食✿ 午餐G：香煎𩶘魚柳 $138大大塊嘅𩶘魚柳🐠煎至金黃色，魚肉味香濃唔腥，肉質結實無骨啖啖肉。以蔬菜🥗加薯蓉🥔伴碟，調味不錯，唔會過咸。😋✿ 午餐I：炭燒紐西蘭西冷牛扒(8安士) $178餐廳每日都做不同優惠，逢星期四order呢款西冷只需$158。西冷牛扒🐮🥩以炭燒方法烹製，網紋好靚，賣相吸引。叫咗7成熟，牛扒一切開呈粉紅色，簡單以鹽同胡椒調味🧂，更突顯濃郁牛味，而肉質都好juicy。同樣以蔬菜🥗、薯蓉🥔伴碟。小食✿ 炸洋蔥圈 $68份量好多，外層炸粉口感酥脆，與入面嘅甜美洋蔥🧅味道相互融合，另外配蜜糖芥末醬、茄汁自行調味。配菜✿ 意粉 +$18✿ 薯條 +$18意粉🍝份量合理，每一口都充滿濃烈蒜香🧄味；薯條🍟炸得香脆，係比較粗身嘅薯條，份量都幾多。總結🫦餐廳有約5000尺，環境相當闊落。午市價錢合理，有自助沙律吧啱哂中意任飲任食嘅人。😝😝✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Non Kitchen地址: 觀塘鴻圖道12
今日再嚟到呢間觀塘工廈嘅西餐廳，平日午市叫一個主食就可以享用自助沙律吧，任食沙律🥗、任飲餐湯🥣，另外再配一杯飲品☕️。
主食
✿ 午餐G：香煎𩶘魚柳 $138
大大塊嘅𩶘魚柳🐠煎至金黃色，魚肉味香濃唔腥，肉質結實無骨啖啖肉。以蔬菜🥗加薯蓉🥔伴碟，調味不錯，唔會過咸。😋
✿ 午餐I：炭燒紐西蘭西冷牛扒(8安士) $178
餐廳每日都做不同優惠，逢星期四order呢款西冷只需$158。
西冷牛扒🐮🥩以炭燒方法烹製，網紋好靚，賣相吸引。叫咗7成熟，牛扒一切開呈粉紅色，簡單以鹽同胡椒調味🧂，更突顯濃郁牛味，而肉質都好juicy。同樣以蔬菜🥗、薯蓉🥔伴碟。
小食
✿ 炸洋蔥圈 $68
份量好多，外層炸粉口感酥脆，與入面嘅甜美洋蔥🧅味道相互融合，另外配蜜糖芥末醬、茄汁自行調味。
配菜
✿ 意粉 +$18
✿ 薯條 +$18
意粉🍝份量合理，每一口都充滿濃烈蒜香🧄味；薯條🍟炸得香脆，係比較粗身嘅薯條，份量都幾多。
總結🫦
餐廳有約5000尺，環境相當闊落。午市價錢合理，有自助沙律吧啱哂中意任飲任食嘅人。😝😝
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Non Kitchen
地址: 觀塘鴻圖道12精棉工業大廈1樓
電話: 27830313
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
