串燒屋

營業中

休息中

之前發現有呢啲自動串燒爐可以比人自己將啲串燒放上爐面唔使自己郁手 個爐就會慢慢轉動串燒咁樣可以確保串燒360度平均燒熟同埋側邊有好多調味料任君選擇椒鹽粉、孜然粉、辣粉等等自己話事 滿足唔同口味需要嘅人- - - - - - - - - - - - - - - - - - - - - - - - -1. 串燒及網燒放題(2.5小時)呢度得一個餐：串燒及網燒放題2.5小時 任飲任食 正價時段嚟食嘅話會送扇貝一隻 4位以上送甲羅燒兩份嘢食分為自轉串燒、網燒、炸物自轉串燒有豬、牛、雞、海鮮、火鍋配料雞腿肉、麻辣雞腎、迷你豆卜特別好食網燒方面蒜蓉烤蠔真係一定要食!!炸物叫咗幾款 全部炸得熱辣辣好酥脆食完呢啲唔夠 仲可以去出面雪櫃拎添蔬菜、菠蘿、冷食前菜、甜品、雪糕..最重要係 呢度有棉花糖可以燒啊!!同埋用自動串燒爐燒出嚟嘅棉花糖真係唔會燒燶 同埋做到360度外脆內軟嘢飲種類選擇唔多 但食串燒嘅話當然最好係配可樂/啤酒咖啦～ 當日朋友好早到咗 而我遲咗半個鐘到 朋友話店家好好肯比佢入嚟坐低等我 我到咗先計時 覺得感動TT