烤魚工房 (登打士廣場)

營業中

休息中

聽聞呢間食烤魚本身係元朗 做法好似大陸果間“探魚“，今日過開黎旺角，見新開張幾日就試下。食物選擇有幾款辣烤魚，同埋燒烤小食，係幾似“探魚“，岩晒宜家冇得返大陸又想食辣野香港人。小食方面，叫左小辣，辣味適中:帶子燒得岩岩好，讚!燒蠔就差d, 因為有dd唔夠熟。燒韮菜份量太少。烤魚揀左香辣豆花“江團魚“，都係“探魚“有的選擇，少d魚骨，讚; 豆花其實是豆腐，唔算係豆花，扣分。除左豆花，呢個烤魚冇乜其他配料，只有很少量超幼芽菜。點餐時加左支竹&蓮藕，算是不過不失。而辣度方便，小辣可以話係淡過一般的BB辣，重點係整個鍋都非 常 咸。只有咸又不太辣，係幾令人失望的烤魚。經常將“探魚“同烤魚工房比較，因為前者做得太出色，有返過大陸食的話，一定會明白。最後補充返，我地幫襯當日店員話未申請到酒牌，所以冇啤酒賣，呢個係最大扣分位。如果有杯冰凍啤酒，相信“咸“呢個影響可以減到最低，成個體驗或者會好唔同。我提議自己去7仔買 (因為之前試過，讓食客自携酒, 冇酒牌應不算違法)，可惜店員禮貌拒絕。