QUE (ELEMENTS圓方)

營業中

休息中

上個星期同朋友經過，見環境幾大，闊落，幾舒服就走咗入去試。第一次試，啲 牛幾好食，安格斯肉眼D牛啖啖肉，少少咸，熟度啱啱好（我嗌咗7成熟）。啲牛俾得好足夠，唔會俾好少，整體幾好食😋。牛舌同和牛串意外地都好好食🤤 如果再去應該會再點。我個friend就揀咗明太子粉，我試咗少少，唔錯，唔會太creamy，容易入口，唔想食太多嘅時候啱食。抹茶紅豆鮮奶🍵甜甜地，抹茶味道濃厚不會苦，好飲。櫻花味芭菲🌸，粉紅色，好啱女仔打卡，味道ok la，有啲太甜。同埋原來芭菲入邊有雲呢拿雪糕，幾好嘅surprise，本身鐘意食飽再食啲冰爽嘅野，同令芭菲無咁甜。鐘意這裡的氛圍，服務員唔會催快啲食完，而且係度坐得好舒服。