影片
更多
2024-01-25
21 瀏覽
聖誕臨近，忙埋今個星期，今年我就收爐。所以特別想食好少少，畢竟生活的儀式感十分重要！今晚我地黎到主行高端食材，大師傅主理的日式鐵板燒。餐廳位於The ONE 19樓，望住180度尖沙咀夜景，同時餐廳裝修好有以前銀座果d高級日本鐵板燒餐廳果隻，4個字 - 「紫醉金迷」今晚２個人叫左個＄2480嘅鐵板燒二人餐，每人千零蚊，一set由頭食到甜品。大時大節同另一半慶祝，呢度真係好選擇。無花果蟹肉沙律實而不華的前菜，鮮甜嘅無花果夾雜蟹肉嘅鮮嫩，味道層次分明，十分開胃。三文魚籽伴海雲醋海雲醋係一道沖繩料理，其實醋漬一d海藻類嘅野，口感係十分滑身，酸酸甜甜。配上三文魚籽，完全係大海的感覺。磯煮鮑魚餐廳選用南非鮑，磯煮完全能夠保留鮑魚鮮味。慢煮令到鮑魚口感唔會變韌，鮑魚下方配以充分煨煮嘅大根，十分入味而冇渣。配上師傅特製，以鮑魚肝同味醂造成的醬味都係果句，實而不華，滿滿內斂的細節。鵝肝呢個係朋友嘅MVP，我都好糾結，係鵝肝定牛好ｄ呢？用鐵板煎香鵝肝至微微焦香，軟滑豐腴，滿口鵝油香。仲要用牛油煎脆多士夾埋黎食，香到癲！仲要再加埋以黑蒜汁調出嘅醬去食，不論口感、味道嘅層次都係一絕！大蝦先原味試一口師傅的功
今晚２個人叫左個＄2480嘅鐵板燒二人餐，每人千零蚊，一set由頭食到甜品。大時大節同另一半慶祝，呢度真係好選擇。無花果蟹肉沙律
實而不華的前菜，鮮甜嘅無花果夾雜蟹肉嘅鮮嫩，味道層次分明，十分開胃。
三文魚籽伴海雲醋
海雲醋係一道沖繩料理，其實醋漬一d海藻類嘅野，口感係十分滑身，酸酸甜甜。配上三文魚籽，完全係大海的感覺。磯煮鮑魚
餐廳選用南非鮑，磯煮完全能夠保留鮑魚鮮味。慢煮令到鮑魚口感唔會變韌，鮑魚下方配以充分煨煮嘅大根，十分入味而冇渣。配上師傅特製，以鮑魚肝同味醂造成的醬味都係果句，實而不華，滿滿內斂的細節。鵝肝
呢個係朋友嘅MVP，我都好糾結，係鵝肝定牛好ｄ呢？用鐵板煎香鵝肝至微微焦香，軟滑豐腴，滿口鵝油香。仲要用牛油煎脆多士夾埋黎食，香到癲！仲要再加埋以黑蒜汁調出嘅醬去食，不論口感、味道嘅層次都係一絕！大蝦
先原味試一口師傅的功架！蝦肉鮮味彈牙，表面微微焦脆相信可口。之後試埋點佢話用蟹膏同黑椒海鹽味埋嘅醬。由於以蟹膏解味為主角而非調味料，你就算點好多都唔會覺得好咸，好聰明的配搭。A4宮崎牛
主菜可以揀牛或雞，冇懸念揀牛。宮崎牛品質其實已追上神戶牛、松阪牛同近江牛，口感亦比近年香港大熱的鹿兒島牛軟滑同油脂分布平均。今次係食骰子牛，入口真係超級軟滑可口。點少少岩鹽已經好好食，我唔會想去搞佢個黑松露醬。可以配埋佢附上嘅炸蒜片食，香口，唔苦，我今晚的MVP。黑松露和牛炒飯&櫻花蝦炒飯
二人餐黎到最後一定係食鐵板炒飯，兩個人當然要試哂兩個口味。櫻花蝦炒飯我係比較欣賞，因為口味清新，清清返我口入面牛嘅味道。蝦乾感香而不搶口，炒飯粒粒分明夠乾身。黑松露和牛炒飯就係我想像中嘅野，我麻麻地黑松露，如果你喜歡黑松露你會喜歡呢個多d。但我仍然覺得佢今次係用料太靚，和牛鐵板炒飯，都係用返d頭頭尾尾，脂肪位黎炒比較香口，呢個飯應該係食油香，而唔係再食靚肉的。
抹茶芝士蛋糕
甜品係一小塊抹茶芝士蛋糕，係我最愛嘅New York
Cheesecake加抹茶抹茶 mousse，今餐已經好夠份量，甜品輕嘗就好！滿足的一餐！
張貼
