囍慶藝廚酒家

同屋企人去左土瓜灣囍慶酒樓食898蚊10全10美套餐(4人份)，畢竟小妹要宴請長輩食飯又點可以是是旦旦呢～
呢個4人餐提前訂好左，坐停冇耐就成檯都係，每落一碟我嫲嫲就喺度哇哇聲，仲一邊食一邊 豎起隻手指公，起勢禁讚好新鮮，食到佢笑得好開心。
講番啲嘢食先，個上湯龍蝦伊麵底啲龍蝦絕不馬虎連個伊麵底都超級好味囉，一滴汁都冇浪費。
金銀菜苗都係超級香，乳鴿個味調得剛剛好，一上檯就忍唔到口飛擒大咬，仲有海蝦，鮑魚等海鮮全部都超鮮味
下次請客可以再ancall絕對唔失禮