味苑燒鵝餐室

營業中

休息中

呢間係我喺荃灣食開燒味飯嘅私心推介，價錢合理，每次食都覺得滿意~🔘黑豚黯然銷魂飯 $68叉燒賣相好靚仔，肉質柔軟，脂肪分佈均勻，又有焦香，食得出同雙拼飯嘅叉燒有分別，用咗更優質嘅黑豚肉，更加爽口，好高質嘅叉燒，加上兩隻太陽蛋，鍾意整爛晒隻蛋嚟撈飯~🔘叉燒切雞飯 $60雙拼飯份量足，叉燒一樣係好軟熟，半肥瘦，蜜味香濃，切雞啲肉幾滑，而且唔肥，兩款燒味都幾好食~跟餐仲有老火湯送，亦可加少少錢叫埋嘢飲，凍檸茶同凍奶茶係正常茶餐廳水準，幾有茶味~總結係絕對值得encore嘅燒味飯，下次嚟想試佢出名嘅燒鵝~