影片
更多
2024-10-10
656 瀏覽
移咗民嘅友人回港探親，當然要搵個時間食返餐見下面。同佢黎呢間食下串燒，可以邊食邊暢談。炸池魚($48)之前想食都未有貨，今晚終於可以相見。條條肥嘟嘟，炸至金黃色。仲有芥末沙律醬點住食，少少辛辣味，炸物真係停唔到口。特色蒜蓉包 (配原粒蒜頭) ($40)呢個包出鏡率相當高，差唔多每枱都叫，咁當然唔執輸睇下佢有咩吸引力。法包身入口超香脆，已經有蒜蓉係上面，再將原粒蒜頭好似牛油咁搽上，即時蒜味倍增，喜歡蒜味人士應該會相當滿足。安格斯牛肋串($30)同鹽燒牛舌心 ($48)鷄中翼 ($22)個樣有D似，牛肋串肉質鬆軟，咬落有肉汁必出黎。而牛舌心有點厚度，食到牛舌香味，帶點嚼感但一D都唔韌。燒鷄翼……...有邊個唔鍾意食?! 燒得皮香肉仍嫩，瞬間”消滅”一串。蒜蓉燒茄子($40)，有原條/切片。原條可以用筷子輕易一夾起成注食，蒜蓉嘅香味已經滲入茄子，又甜又淋，必食。鹽燒白鱔 ($49)白鱔被燒至魚皮香脆，帶點厚度嘅肉，質感爽脆又彈牙，就算簡單用海鹽調味就已經好正。秋葵 ($19)簡單燒完灑上孜然粉，好食。冬菇 ($19)燒完都係灑上孜然粉，外面乾乾地身，內裏仍帶濕潤，一啖一隻無難度。墨西哥芝士
炸池魚($48)
之前想食都未有貨，今晚終於可以相見。條條肥嘟嘟，炸至金黃色。
仲有芥末沙律醬點住食，少少辛辣味，炸物真係停唔到口。
特色蒜蓉包 (配原粒蒜頭) ($40)
呢個包出鏡率相當高，差唔多每枱都叫，咁當然唔執輸睇下佢有咩吸引力。
法包身入口超香脆，已經有蒜蓉係上面，再將原粒蒜頭好似牛油咁搽上，即時蒜味倍增，喜歡蒜味人士應該會相當滿足。
安格斯牛肋串($30)同鹽燒牛舌心 ($48)鷄中翼 ($22)
個樣有D似，牛肋串肉質鬆軟，咬落有肉汁必出黎。
而牛舌心有點厚度，食到牛舌香味，帶點嚼感但一D都唔韌。
燒鷄翼……...有邊個唔鍾意食?! 燒得皮香肉仍嫩，瞬間”消滅”一串。
蒜蓉燒茄子($40)，有原條/切片。
原條可以用筷子輕易一夾起成注食，蒜蓉嘅香味已經滲入茄子，又甜又淋，必食。
鹽燒白鱔 ($49)
白鱔被燒至魚皮香脆，帶點厚度嘅肉，質感爽脆又彈牙，就算簡單用海鹽調味就已經好正。
秋葵 ($19)
簡單燒完灑上孜然粉，好食。
冬菇 ($19)
燒完都係灑上孜然粉，外面乾乾地身，內裏仍帶濕潤，一啖一隻無難度。
墨西哥芝士雞肉薄餅 ($52)
以預製餅皮包住芝士及燒香嘅鷄肉粒再焗一焗，熔化芝士與鷄肉互相”擁抱”，加入甜椒中和膩度，好味。
辣椒蒜汁什菜意粉 ($88)
想再飽肚D，多款意粉比你選擇，呢客素菜類中和串燒嘅肉感。少少辣度，食起黎比較開胃; 扁意粉幾有口感。
串燒控制火喉幾好，唔會燒到變乾，調味亦到位，食物選擇都唔少，難怪咁多客幫襯。
張貼
