淥鼎記

營業中

休息中

今日好想食點心，又想飲奶茶，最後去了公司附近淥鼎記，因為喺IG見過淥鼎記嘅熊仔🧸奶茶，好可愛。地方頗大，傳統中式裝修，看起來很有氣派，QR掃碼點餐，避免漏單，仲可以即時知道應付金額。點心全部以二件或三件上碟，可以點多幾款，每款都試下，價錢比想像中平得多，真係高級酒樓水準，快餐店價錢！第一時間點了凍熊仔奶茶＄13，好靚好精緻，茶香有奶味。黃金鮮蝦餃和黑魚子燒賣，各點了一籠（2件）＄18，蝦餃晶瑩彈牙，咬開全隻都係蝦。蟲草花鮮蝦菜苗餃（3件）＄26，都係以蝦肉為主餡，加上菜苗和蟲草花，更加滋補和健康。香芋天鵝酥（3件）＄36，造型別緻，鬆化可口。擂沙湯丸（3件）＄22，流心紫薯（3件）＄28，甜而不膩，流心效果口感更細膩。飲茶必點嘅腸粉，今次試新口味 － 松露叉燒腸粉＄30，不錯！