巴希雅海灣重慶燒烤

營業中

休息中

放假同朋友去大尾篤踏單車，踏之後朋友plan左係巴希雅到食bbq。原來依間舖有室內同定外地方選擇地方都幾大，但我哋驚落雨，所以都係簡左係室內燒。飲品就每人一罐，除咗香蕉，菠蘿，蝦，蜆之外，其他食物都係出去出邊自己拎嘅。蜆都ok，但唔算話好大隻不過都幾鮮甜。但相比起蝦嘅話梗係蝦贏啦，因為蝦又大隻又鮮甜，可惜每人得一隻，唔夠喉。大部分肉類都齊全，而且都肥齊適中，睇落都幾新鮮，燒完再加依到配備既調味料，少少辣，好惹味。我就幾鍾意食牛仔骨，肉質好嫩。食咁多肉就梗係要食返啲蔬果去中和下啦！青椒睇落都幾靚，好爽口，感覺好新鮮，而且都幾清甜但冇苦澀味。燒金菇一向好受人歡迎，金菇吸收晒蒜蓉嘅味道，燒得又冧，好正！韭菜再加上調味粉，相當惹味！而且一啲都唔老，好嫩，食落冇渣嘅感覺。不知不覺就食咗幾串，我同朋友一致贊好。茄子原條燒好過癮，燒完之後茄子入面仲keep到水份，而且好嫩。香蕉好甜，但要睇火因為好快會燒焦。菠蘿十分juicy而且好甜，好快就俾人清曬。