紅葉茶屋 (黃金海岸商場)

營業中

休息中

呢間餐廳算開咗冇耐，見到佢有一個定食套餐，所以就入咗去食。入到去都有唔同牛肉豬肉雞肉套餐都有，三個人分別叫咗壽喜燒牛，生薑豬，同照燒雞套餐。不過套餐只係有麵豉湯，唔包飲品，如果百幾蚊一個套餐就有啲唔太化算。壽喜燒餐味道算唔錯，而且份量上算大份，就算幾大食都有一定嘅飽肚感，不過入到門口見到佢哋已經一早將一啲小菜同配菜放曬喺餐盤上，而且冇冚，衛生上可能未必咁好。不過餐廳算細心，會分開放蔥或者芝麻，等唔食芝麻糊或者蔥嘅朋友唔使夾返出嚟。