巧饍坊(素食)

營業中

休息中

奶奶初一十五都食素，今日一齊食晚飯，揀咗嚟呢度試吓食素。呢度嘅素菜都幾多選擇，雖然是素菜，d菜名都幾吸引。士多啤梨骨$118好香士多啤梨香甜味，外貌唔錯，色水吸引，脆腐皮包住爽口蓮藕，好有口感，幾好味。紅燒鴛鴦豆腐$78落足料，夠哂我地食之餘，d豆腐香滑，始終豆腐係食素必食的菜式。乾炒叉燒河叉燒無論外貌同埋味道都與真嘅叉燒有幾分神似，河粉薄滑，炒得幾乾身，充滿豉油香氣，好鑊氣。總括而言，呢度的素菜係傳統的中菜菜式，款式多，點心，炒飯麵，小菜全部都有，而且味道唔錯。