影片
更多
2022-06-07
2387 瀏覽
起黃埔開咗唔係好耐 不過位置比較偏僻 起奇趣天地附近 所以少人識門面望落幾靚 好似cafe咁😍唔講以為係高級餐廳 但其實lunch價錢十分之平民選擇超豐富 主要燉飯 意粉 扒類🥩每個set仲包一個餐飲 一個餐湯 同埋自助沙律🥗▶️自助沙律有個salad bar 可以自己任揀 多款生菜🥬另外有車厘茄 青瓜 紅菜頭特別啲有雜果沙律 同埋粟米鷹嘴豆🌽當然可以自己揀醬 有個橙橙哋色嘅醬 (唔知係咪千島醬)幾好食！▶️ 南瓜粟米湯好搞笑 佢係放起杯而唔係碗 唔講以為係橙汁🤣入面真係有一粒粒粟米🌽南瓜味唔算好出質感少少杰 但係又唔算好creamy 味道少少甜而唔咸 應該唔係用罐頭而係自己做👍🏻味道天然啲▶️ 傳統葡國燴雞配小軟法包 ($78)份量好多😮估唔到有成7塊法包咁多平時我少食葡汁 今次都係一個意外黎🙈一開始睇錯以為係葡國烤雞 不過黎到就試吓啦葡汁食落好香椰汁味 入面燴埋洋蔥🧅橄欖🫒 食落甜甜哋 又唔錯喎同埋都有啲辣 但係係接受到嘅程度🐔燴雞份量多 有成7-8件雞 因為用雞髀肉 所以肉質好嫰滑而且啖啖肉 無乜骨 一啲都唔鞋👍🏻仲要面上灑上椰絲 好似人哋椰絲包咁😋更加香小法包原先冇搽任何牛油 預你用
門面望落幾靚 好似cafe咁😍唔講以為係高級餐廳 但其實lunch價錢十分之平民
選擇超豐富 主要燉飯 意粉 扒類🥩
每個set仲包一個餐飲 一個餐湯 同埋自助沙律🥗
▶️自助沙律
有個salad bar 可以自己任揀 多款生菜🥬另外有車厘茄 青瓜 紅菜頭
特別啲有雜果沙律 同埋粟米鷹嘴豆🌽
當然可以自己揀醬 有個橙橙哋色嘅醬 (唔知係咪千島醬)幾好食！
▶️ 南瓜粟米湯
好搞笑 佢係放起杯而唔係碗 唔講以為係橙汁🤣
入面真係有一粒粒粟米🌽南瓜味唔算好出
質感少少杰 但係又唔算好creamy 味道少少甜而唔咸
應該唔係用罐頭而係自己做👍🏻味道天然啲
南瓜粟米湯
58 瀏覽
0 讚好
0 留言
▶️ 傳統葡國燴雞配小軟法包 ($78)
份量好多😮估唔到有成7塊法包咁多
平時我少食葡汁 今次都係一個意外黎🙈一開始睇錯以為係葡國烤雞 不過黎到就試吓啦
傳統葡國燴雞配小軟法包
$78
52 瀏覽
0 讚好
0 留言
葡汁食落好香椰汁味 入面燴埋洋蔥🧅橄欖🫒 食落甜甜哋 又唔錯喎
同埋都有啲辣 但係係接受到嘅程度
🐔燴雞份量多 有成7-8件雞
因為用雞髀肉 所以肉質好嫰滑而且啖啖肉 無乜骨 一啲都唔鞋👍🏻
仲要面上灑上椰絲 好似人哋椰絲包咁😋更加香
小法包原先冇搽任何牛油 預你用黎點葡汁食 我就將啲葡汁雞放上去一齊食🥖十分惹味
法包微微焗過 所以食落外脆內軟 放耐咗都仲幾脆 同時唔會好硬或歎咬
呢個配搭意外地好食 而且葡汁椰味幾香濃～
▶️ 是日果茶
免費嘅跟餐飲品 飲落遍甜而帶茶香 唔知係天然嘅甜味定係都有落糖呢？不過幾好飲😌
仲抵飲過檸茶咖啡 因為呢啲要加$8
是日果茶
46 瀏覽
0 讚好
0 留言
-
好有質素嘅一間葡國西餐廳 味道調味做得好
而且睇得出有用心做💗
其實佢另外有甜品賣 似人哋酒店水準 全部好精緻 尤其一粒粒迷你macaron😍可惜食咗咁多嘢已經飽咗
服務態度好好 好有禮貌 但係竟然唔收加一
環境舒服 入面算大 望落比較高級😌不過多數長枱 所以如果兩個人食 隔離都會有人 (即使隔住塊膠) 變咗私人空間少啲
價錢方面我覺得非常抵食！好少見餐廳仲有自助沙律bar 仲要又包湯又包飲品 主食又足料又大份！
見唔少返工人士黎食 呢間真係幾推介👍🏻
張貼
