黃金雞

營業中

休息中

咁岩去港島尼頭，特登搵間好食既餐廳。店鋪細細地，但都坐到10人左右。當日食lunch，好多人買外賣，亦有幾個人堂食。叫左黃金雞飯($40)，五香豬髀飯($40)，黃金香茅雞翼($38)。雞飯黃到金，d顏色閃令令。一盒份量多，拎上手好重。每粒飯都沾滿雞油，變到金黃色。飯粒香口雞味濃，但唔會油膩。雞肉嫩口，雞皮爽。紅蘿蔔絲醃製後酸酸地，好開胃。豬髀肉飯一試難忘，豬髀肉好滑而且份量超多。豬髀肉連皮，就算食哂d皮，都唔會覺得濟/膩，仲好有骨膠原添。豬髀肉煮成既滷汁配飯食一流。雞翼炸完好香口，完全唔油，香茅味濃郁。咬開仲有肉汁流出黎添。整體，雖然係小店，但係食物質素高，端午節前個陣仲有粽子package可以買。