麻辣派對 (瑞生酒店) (已結業)

開始有啲入秋嘅感覺，呢個時候就想食啲辣嘢暖下身，之前食過麻辣派對令我停不落口，一直回味。今日就同朋友又來到麻辣派對搵食。一入到去又可以見到五顏六色嘅花球同七彩繽紛嘅射燈，連續不斷播放嘅流行歌曲，仲係充滿特色又有氛圍嘅裝修。單點自選辣子雞拼肥腸香鍋辣度選擇左小辣，好多乾辣椒但係一啲都唔啦，雞肉同肥腸份量非常多，兩個人食呢份菜再加埋碗飯已經可以食到飽肚。雞肉炸得乾身又香口，肥腸亦都炸得好香脆食落又有juicy。配菜叫做土豆，椰菜。土豆都炸的外脆內軟，椰菜又爽脆又入味。調味方面都比較豐富，有乾辣椒、花椒、蒜頭，姜、辣椒粉⋯配上白飯一齊食好開胃！凍蜜語水果茶水果茶大大一杯，材料豐富，有火龍果、西瓜、橙。味道小小甜啱啱好，水果味十足又有帶啲茶澀味，解辣非常推薦。