豐鍋雞煲 (京瑞廣場1期)

營業中

休息中

近年石門多咗好多食肆，其中 豐鍋 主打招牌麻辣雞煲和火鍋，大、中、小、BB辣 任君選擇，仲可以走辣，惠顧雞煲，火鍋湯底即半價！阿妹生日，佢鍾意食雞梗係點個招牌雞煲啦！但我哋又唔係好食得辣，正所謂又要威又要戴頭盔😆揀咗BB辣過吓口癮🤤店員會即場將新鮮芫西、紫洋蔥、西芹等香菜加入雞煲炒至軟身出味，未食已香氣四溢、醬汁香濃惹味。雖說是BB辣，但都唔野少！好在佢只係個口辣，隨後不留痕嗰隻，不傷喉嚨和腸胃。雞半隻爆炒後依然嫩滑，大大件啖啖肉又入味唔錯！食到咁上下，加湯再繼續食火鍋，呢度啲火鍋配料都好高質，手工即炸魚皮和爆芝響鈴超巨型，脆卜卜、香口唔鹹。我最鍾意個頂級安格斯小牛排，睇樣都知係頂級，油花均勻好靚仔，非常嫩滑有肉味！👍🏻👍🏻食火鍋唔少得飲番杯凍野，玫瑰特飲、藍蝶雪梨，甜甜地清熱解暑好正，仲好大杯㖭，個樣幾靚打卡一流。