黑布小巷 (木蘭苑) (已結業)

中於去到最近好熱門的黑布小巷🫶🏻我哋今次係買外賣返屋企食～ 我哋三個人每人揀咗一款吐司～額外再加做一個古早味冬瓜茶同埋台式滷肉飯～ 吐司真係好多款唔同嘅口味！我哋叫咗台式肉蛋芝士吐司，烤雞腿蛋吐司，麻辣鬼椒慢烤雞腿蛋吐司🍞有芝士冇芝士，同埋麻辣都俾我哋試勻曬～ 咁就知道邊一款係我哋嘅最愛啦！我哋食左冇芝士嘅烤雞腿蛋吐司先～ 個烤雞腿真係幾滑下～ 加埋流心蛋一齊食其實都幾Juicy! 怪唔之得會成為最近嘅熱門啦～ 因為真係幾好食跟住我哋就食台式肉蛋芝士吐司啦～ 啲芝士溶埋落去個吐司加埋肉一齊食真係口感一流！因為有幾個層次喺你個口裏面咬下咬下！加上芝士真係幾香濃！我最鍾意嘅就係食麻辣呢一個吐司！麻辣鬼椒慢烤雞腿蛋吐司佢係有少少微辣微辣咁樣融合咗喺個烤雞腿入邊，好似有啲沙律醬又好似有蛋混合左一齊咁！嗰個麻辣微微咁深着你個口度～真係比較少吐司會有呢一個味道！台式滷肉飯都好好味，啲飯幾好咬口，脹卜卜同埋啲滷肉一齊好入味！台式冬瓜茶都唔錯！清清地幾好飲！