影片
更多
2024-10-22
268 瀏覽
喺電影鹿鼎記入邊，韋小寶同九難師太夾住吳應熊行行下，韋爵爺話：咦，師太，前面有間客棧喎，師太話：系喎，真係有間客棧喎，然後鏡頭一轉就見到嗰間客棧個名叫做有間客棧，韋小寶嘅手下仲特登帶埋佢嗰件溝女戰衣，即係有個老虎頭帽嘅嗰件衫。今日我行經呢度，覺得呢間店嘅老闆一定志同道合。唔入去向周星馳致敬都唔得啦！ 🍖店鋪嘅流程處理非常分明，首先喺門口有個消毒櫃，用消過毒嘅筲箕裝住食物，就最為安心，然後去食材區，揀自己心水嘅食物，佢嘅選項真係非常多，而且我可以用相對平時食麻辣燙少用嘅詞語嚟形容，均衡。佢唔係一味系咁食肉或者係醃製既丸類，而繫有大量蔬菜，大量嘅意思係真係有好多選擇同份量，起碼十種八種走唔甩，而且非常新鮮。另外就係走唔得雞既肉類，你會見到啲肉嘅顏色係鮮紅，仲有醃好嘅本地牛，仲有魚有蜆有牛肉，真係食指大動，諗起一陣食個湯底實會好鮮味。而丸類方面，又有特色嘅台灣丸，仲有燕餃等等少有個選材，我只係每一樣揀一件，都已經整滿曬成個筲箕。最後要提一下雞子，雖然我唔食，但係你睇下張相，真係一個字講晒，新鮮！ 🍖不得不提嘅個湯底，佢有牛骨湯，加自選嘅辣度，或者蕃茄湯或者蘑菇湯，我就梗係俾佢更加有創意，揀咗
🍖店鋪嘅流程處理非常分明，首先喺門口有個消毒櫃，用消過毒嘅筲箕裝住食物，就最為安心，然後去食材區，揀自己心水嘅食物，佢嘅選項真係非常多，而且我可以用相對平時食麻辣燙少用嘅詞語嚟形容，均衡。佢唔係一味系咁食肉或者係醃製既丸類，而繫有大量蔬菜，大量嘅意思係真係有好多選擇同份量，起碼十種八種走唔甩，而且非常新鮮。另外就係走唔得雞既肉類，你會見到啲肉嘅顏色係鮮紅，仲有醃好嘅本地牛，仲有魚有蜆有牛肉，真係食指大動，諗起一陣食個湯底實會好鮮味。而丸類方面，又有特色嘅台灣丸，仲有燕餃等等少有個選材，我只係每一樣揀一件，都已經整滿曬成個筲箕。最後要提一下雞子，雖然我唔食，但係你睇下張相，真係一個字講晒，新鮮！
🍖不得不提嘅個湯底，佢有牛骨湯，加自選嘅辣度，或者蕃茄湯或者蘑菇湯，我就梗係俾佢更加有創意，揀咗番茄湯底加bb辣。揀好之後等食就okay。
🍖到上台嘅時候你就知道佢個湯底其係真材實料，蕃茄湯嘅味道好天然，原來如果你細心用匙羹喺個底度畢上黎，全部都琢碎咗既番茄粒，再加埋微辣嘅感覺，小小刺激多多新鮮。
唔使講，頭先啲材料未煮都咁有睇頭，煮好嘅味道不用多說。
金庸嘅小說可以話系經典，周星馳將佢發揚光大。同樣地，麻辣燙都係經典食物，能夠用心加入自己本土嘅特色，我都希望呢間小店可以為呢種小食帶嚟新嘅景象。
張貼
