Dodam Chicken (利舞臺廣場)

營業中

休息中

以前Dodam Chicken喺觀塘有分店，唔算貴又高質，我特別鍾意佢個三重芝士炸雞，$200兩個人已經好飽。今次特登嚟到銅鑼灣分店，坐得好舒服，同朋友過嚟傾偈食炸雞飲啤酒一流！👯🐔✨ 黃金鹹蛋脆雞啲雞肉好Juicy，真係好鮮嫩，雞皮都又薄又脆，唔會好似出面啲炸雞咁有好多炸粉。鹹蛋黃醬好多，而且係好足料嘅鹹蛋黃，好濃郁，好香！🙌💛🍯🧈 蜂蜜牛油脆雞蜜糖同牛油混合甜中帶咸，如果鍾意蜂蜜牛油味嘅可以考慮一下，但我個人比較鍾意重口味，我覺得鹹蛋黃味正啲👏😍🍝 黑松露卡邦尼炒年糕黑松露配上鮮奶油，仲有甜甜嘅洋蔥。韓式嘅卡邦尼特別在於佢會加啲魚腐，蘿蔔同埋包菜。我覺得年糕比較難消化，所以轉左意大利粉🍽️😋都唔錯。🍫🥤 Chocolate milkshake🍦🥤 Vanilla milkshake我哋叫咗兩杯奶昔，都幾似沙冰，好冰凍。香草味同埋朱古力味都好濃郁，奶味十足。