Lilium

營業中

休息中

鰂魚涌街道後巷，有間薄荷綠色的隱世小店，主打台灣菜，空間寬敞，環境都幾舒適。中午時間去到座無虛席。我點咗紅燒牛肉牛丸麵，牛腩煮得軟嫩，手打牛丸彈牙又多汁，湯底有牛肉香，但味道唔太濃。 麵底還可選台灣麵、新竹米粉，及冬粉。台灣麵口感滑身。另外，鹽酥雞滷肉飯亦相當唔錯！鹽酥雞咸香夠味，五香粉香氣十足，炸得乾身唔油膩。滷肉飯入面嘅肥瘦肉比例剛好，醬汁香甜，配上飽滿的珍珠米及溏心蛋，每一口都有滷汁嘅香味，令人食到停唔到口小食方面，加$19 就有滷水大腸，味道軟腍入味；滷水雞翼+$19，雞翼肉嫩多汁，但滷水味唔算重。