鮨金和食料理 (已結業)

突然想食日本燒汁燒的肉，剛好在銅鑼灣，行過記起有間食過好食，打上去問有外賣，於是就上去，夜晚禁堂食無人，點了餐等了十多分鐘已有，即點即做算快手。只有飯類先可以外賣，明白的，保持好食好重要。等待期間，見到隻鱈場蟹極之生猛，想爬出魚缸的模樣，成三斤幾，售價$3000幾，頂級貨。言歸正傳，$180買了盒日本豚肉生薑燒，原價$200，外賣九折，分開三個盒裝很整齊。燒汁豐富，豚肉薄切入味鬆軟，伴以洋蔥更香，配飯吃好吃飽肚。