影片
更多
2022-01-12
4894 瀏覽
印象中好多年前黎過呢一間鮨慎食壽司omakase，今日多謝識食友人既邀請，可以試試晚市既omakase，同行友人黎食過好幾次，覺得呢度係全港數一數二嘅omakase壽司吧之一，於是一早約左晚市，點知疫情之下要提早，變左提早4點半食到6點！午餐特登食少d留肚！呢度座位得10個左右，全部都係吧枱，今晚有幸由慎師傅專責服侍我地，我地食既，並唔係其他一般食客既餐牌。牛肝菌麵豉湯，清酒先黎第一道牛肝菌麵豉湯同清酒。服務員先請我地揀清酒杯。清酒我無留意係邊隻，不過好容易入口，連我平時滴酒不沾都飲上一滿杯。牛肝菌麵豉湯牛肝菌麵豉湯作爲第一道菜式都幾特別。麵豉湯上面加左少少蔬菜粒，車厘茄同疑似菜苗。牛肝菌味道唔夠出，只有暖胃既感覺。八爪魚第二道菜係八爪魚配柚子汁同wasabi。八爪魚整得超腍，加左少少柚子汁添清新味道。我鍾意呢度既wasabi唔會太攻鼻。鯛魚第三道菜係兩片鯛魚刺身配洋蔥汁同葱花。個人覺得質素屬正常新鮮，應有水準。金目鯛第四道菜開始就有壽司啦！以示尊重，壽司一定要用手食，先用濕紙巾抹乾手指就可以攞壽司食啦，當然都係相機先食。金目鯛當然新鮮，壽司飯已經加左豉油，豉油味好香。車海老第五道菜車
呢度座位得10個左右，全部都係吧枱，今晚有幸由慎師傅專責服侍我地，我地食既，並唔係其他一般食客既餐牌。
牛肝菌麵豉湯，清酒
先黎第一道牛肝菌麵豉湯同清酒。服務員先請我地揀清酒杯。清酒我無留意係邊隻，不過好容易入口，連我平時滴酒不沾都飲上一滿杯。
牛肝菌麵豉湯
30 瀏覽
0 讚好
0 留言
牛肝菌麵豉湯
牛肝菌麵豉湯作爲第一道菜式都幾特別。麵豉湯上面加左少少蔬菜粒，車厘茄同疑似菜苗。牛肝菌味道唔夠出，只有暖胃既感覺。
八爪魚
32 瀏覽
0 讚好
0 留言
八爪魚
第二道菜係八爪魚配柚子汁同wasabi。八爪魚整得超腍，加左少少柚子汁添清新味道。我鍾意呢度既wasabi唔會太攻鼻。
鯛魚
39 瀏覽
0 讚好
0 留言
鯛魚
第三道菜係兩片鯛魚刺身配洋蔥汁同葱花。個人覺得質素屬正常新鮮，應有水準。
金目鯛
40 瀏覽
0 讚好
0 留言
金目鯛
第四道菜開始就有壽司啦！以示尊重，壽司一定要用手食，先用濕紙巾抹乾手指就可以攞壽司食啦，當然都係相機先食。金目鯛當然新鮮，壽司飯已經加左豉油，豉油味好香。
車海老
31 瀏覽
0 讚好
0 留言
車海老
第五道菜車海老就開始有返高少少既水準啦！車海老夠厚身又黏嘴，非常新鮮！上面加左少少疑似蝦膏醬汁，不過唔會喧賓奪主。
鮟鱇魚肝
27 瀏覽
1 讚好
0 留言
鮟鱇魚肝
第六道就唔係壽司啦，係鮟鱇魚肝。鮟鱇魚肝上面撒上葱花同芝麻粒，個汁酸酸地，食完唔會覺得油膩。
刺身拼盤
22 瀏覽
0 讚好
0 留言
刺身拼盤
第七道係刺身拼盤，擺盤非常精緻。刺身拼盤有伊勢海老，中拖羅，鰤魚同大拖羅。伊勢海老質感似龍蝦，味道唔太出，下面墊有一片青檸。中拖羅加左少少海鹽，魚油豐富而入口即溶！鰤魚都係新鮮貨色。大拖羅就更加富吞拿魚香而入口即溶不過唔會太肥。
鮑魚配鮑魚肝魚翅
19 瀏覽
0 讚好
0 留言
鮑魚配鮑魚肝魚翅
第八道係鮑魚配鮑魚肝同魚翅。鮑魚其實食完唔覺太特別，鮑魚肝就係黑色個兩粒細細粒，都係唔太特別。反而下底既魚翅就好滑。湯汁好清。伴碟有少少秋葵。個人覺得呢道菜好有懷石料理既感覺。
赤貝
28 瀏覽
0 讚好
0 留言
赤貝
第九道菜又返黎壽司啦！呢個赤貝簡直係頂呱呱！赤貝大大隻，新鮮爽脆，加上師傅既刀工一流，食落彈牙啖啖肉，超正，即encore！
可惜之後encore個隻赤貝細好多，口感差好遠。
貝
21 瀏覽
0 讚好
0 留言
唔好意思師傅無介紹呢款壽司，應該係某種貝類，超大片而非常爽脆。
海膽
29 瀏覽
0 讚好
0 留言
海膽
第十一道菜係海膽壽司。呢度既海膽好特別，係將海膽放係昆布上面腌製，臨做壽司先移除昆布。海膽份量足，超creamy同鮮甜，正！
蟹肉蟹膏
15 瀏覽
1 讚好
0 留言
蟹肉蟹膏
蟹肉蟹膏
15 瀏覽
1 讚好
0 留言
第十二道菜係心機菜式，我地望住師傅將放好係蟹殼入面既蟹肉同蟹膏擺好係碟上面，再加上一樣又一樣配料先上比我地。蟹脚拆肉拆得好，完全無殼。蟹脚下面有蟹肉絲同蟹膏，下底有蘋果粒，再配車厘茄，同紫蘇葉汁。可惜蟹肉同蟹膏味道唔夠濃。
噌味鯛
13 瀏覽
0 讚好
0 留言
噌味鯛
噌味鯛
12 瀏覽
0 讚好
0 留言
第十三道菜係熱盤。噌味鯛配漬蓮藕，噌味鯛熱辣辣，脆皮，同甜甜哋嘅蓮藕片好夾。
赤身
21 瀏覽
0 讚好
0 留言
赤身
第十四道菜開始就係吞拿魚既天下！又返黎壽司。先黎赤身壽司。赤身好香又大塊，完全卷住舊飯，由上到下都食到赤身，魚香四溢。
拖羅
11 瀏覽
0 讚好
0 留言
拖羅
第十五道菜係拖羅。拖羅刺身打孖上，當然都係入口即溶而唔會太肥。
海膽吞拿魚腩卷
13 瀏覽
1 讚好
0 留言
海膽吞拿魚腩卷
第十六道菜係海膽吞拿魚腩手卷，其他客人係師傅卷完俾你就會直接俾客人接住食用，包新鮮。不過我哋同師傅開玩笑要大件啲，慎師傅真係特登加雙份飯，雙份吞拿魚腩蓉同雙份吞拿魚條卷埋一齊變左二人份量，再一切四變左太卷。最後喺卷物上面加左好多海膽。首先空口試少少海膽先，勁滑勁香又鮮甜。之後一口食哂成件太卷連海膽，簡直係啖啖滑溜海膽同吞拿魚腩，中間帶紫蘇葉香同白芝麻粒嘅香味，將呢餐帶上高潮。
海膽吞拿魚腩卷
7 瀏覽
0 讚好
0 留言
上面個兩件係我同行友人既。
漬物
漬物有不斷添加既爽脆白色大根，仲有出現過一次有三片既牛蒡，同少見既梅子漬葫蘆瓜，後者好可愛不過個人唔鍾意梅味。呢度既酸薑片好薄又唔會太辣，加上唔會太濕，我不斷食食食，師傅就不斷添添添。
甜蛋
9 瀏覽
0 讚好
0 留言
甜蛋
第十七道菜係兩件甜蛋。甜蛋暖暖地同軟軟地，好似甜蛋糕。
麵豉湯
11 瀏覽
0 讚好
0 留言
麵豉湯
第十八道菜係麵豉湯，得半碗，料唔多，有少少海帶，可以清一清味蕾，味道唔錯。
甜品
最後一道菜係甜品，有少見既白雪雪雪香士多啤梨同提子。提子爽脆超甜，顯得雪香士多啤梨較酸。
食完差唔多6點，我自己一d都唔覺得趕。總括而言，食材方面無得彈，必定係新鮮貨色，不過開頭幾道菜有d普通，好彩到中後期水準就開始高返少少。不過個人覺得呢度師傅玩既花臣唔多，驚喜不大。食物方面一定係好食，不過未到驚爲天人水平。不過同慎師傅既互動就好正，慎師傅識少少廣東話，又會同你講下笑，比d驚喜你，搞到成餐飯食得超開心。最後，一定要多謝友人請客！
張貼
